കൊല്ലം:പ്രകടനത്തിനിടെ കോടിയേരി ബാലകൃഷ്ണന്റെ ഫ്‌ലക്‌സ് നശിപ്പിച്ചതിന് പകരം എസ്എഫ്ഐ അതേസ്ഥലത്ത് കോടിയേരിയുടെ പുതിയ ഫ്‌ലെക്‌സ് ബോര്‍ഡ് സ്ഥാപിച്ചു.കൊല്ലം ചിന്നക്കടയിലാണ് എസ്എഫ്ഐ പ്രകടനത്തിനിടെ പ്രവര്‍ത്തകന്‍ കോടിയേരി ബാലകൃഷ്ണന്റെ ചിത്രമുളള ഫ്‌ലെക്‌സ് കീറിയെറിഞ്ഞത്.
സിപിഎം സ്ഥാപിച്ച കോടിയേരിയുടെ ഫ്‌ലെക്‌സ് ആണ് എസ്എഫ്ഐ പ്രതിഷേധ പ്രകടനത്തിനിടെകീറിയെറിഞ്ഞത്.എസ്എഫ്ഐ പ്രവര്‍ത്തകന്‍ കോടിയേരിയുടെ ഫ്‌ലെക്‌സ് തകര്‍ത്തതിന് പിന്നാലെ യൂത്ത് കോണ്‍ഗ്രസ് എസ് എഫ് ഐയെ ട്രോളി കോടിയേരിയുടെ ഫ്‌ലെക്‌സ് സ്ഥാപിച്ച സംഭവമുണ്ടായി.
ചിന്നക്കടയിലെ ഹെഡ് പോസ്റ്റ് ഓഫിസിന് സമീപം സ്ഥാപിച്ചിരുന്ന കോടിയേരിയുടെ ഫ്‌ലെക്‌സ് ബോര്‍ഡാണ് പ്രകടനത്തിനിടെ തകര്‍ത്തത്. മുന്‍ നിരയിലുണ്ടായിരുന്ന പ്രവര്‍ത്തകന്‍ യൂത്ത് കോണ്‍ഗ്രസിനെതിരെ മുദ്രാവാക്യം വിളിച്ചുകൊണ്ട് മീഡിയനില്‍ വച്ചിരുന്ന ഫ്‌ലെക്‌സ് നശിപ്പിച്ചു. കോടിയേരി ബാലകൃഷ്ണന്റെ നാലാം ഓര്‍മദിനത്തിലാണ് ഫ്‌ലക്‌സ് സ്ഥാപിച്ചത്.എന്നാല്‍ സംഭവത്തില്‍ ഇളിഭ്യരായ എസ് എഫ് ഐ , ഫല്ക്‌സ് കീറിയത് തങ്ങളുടെ പ്രവര്‍ത്തകന്‍ അല്ല എന്നാണ് പറയുന്നത്.
