തിരുവനന്തപുരം: കുടുംബശ്രീ നാഷണല് റിസോഴ്സ് ഓര്ഗനൈസേഷന്റെ (എന്ആര്ഒ) ആഭിമുഖ്യത്തില് പൂവാര് ഐലന്ഡ് റിസോര്ട്ടില് ദ്വിദിന ദേശീയ ശില്പശാല സംഘടിപ്പിക്കുന്നു. എന്ആര്ഒയുടെ നേതൃത്വത്തില് കുടുംബശ്രീ പ്രവര്ത്തനങ്ങള് നടപ്പാക്കുന്നതിലൂടെ പതിനൊന്നോളം സംസ്ഥാനങ്ങളിലെ ഗ്രാമീണമേഖലയില് ഉണ്ടായ മാറ്റങ്ങള്, വികസനം, സ്ത്രീശാക്തീകരണം എന്നിവ സംബന്ധിച്ച അനുഭവകഥകള് പങ്കുവയ്ക്കുന്നതിനും കുടുംബശ്രീ പ്രവര്ത്തനങ്ങളുടെ സ്വാധീനം തിരിച്ചറിയുന്നതിനുമാണ് ശില്പശാല സംഘടിപ്പിക്കുന്നത്.
ഇതരസംസ്ഥാനങ്ങളില് കുടുംബശ്രീ പ്രവര്ത്തനങ്ങള് നടപ്പാക്കുന്നതിന്റെ ഭാഗമായുള്ള പഞ്ചായത്ത് രാജ് സംവിധാനവും സാമൂഹ്യസംഘടനാസംവിധാനവും തമ്മിലുളള സംയോജനവും അതു സംബന്ധിച്ച വിജയകഥകളും ശില്പശാലയില് പങ്കുവയ്ക്കും.
17,18 തീയതികളിലായി നടത്തുന്ന ശില്പശാലയില് അവകാശാധിഷ്ഠിത സമീപനത്തിന്റെ പ്രസക്തി, ലിംഗസമത്വത്തിനും ലിംഗനീതിയ്ക്കുമായുള്ള പരിശ്രമം എന്നീ വിഷയങ്ങളില് പാനല് ചര്ച്ച സംഘടിപ്പിക്കും.
