തിരുവനന്തപുരം: 2014 ജൂലൈ മുതല് ലഭിക്കേണ്ട പെന്ഷന് വര്ദ്ധനവിന്റെ 19 മാസത്തെ കുടിശിക സര്ക്കാര് നല്കണമെന്നും, 75 വയസ്സിനു മുകളില് പ്രായമുള്ളവര്ക്ക് പെന്ഷന് വര്ദ്ധനവ് നടപ്പാക്കണമെന്നും പെന്ഷനേഴ്സ് സംഘ് സംസ്ഥാന പ്രസിഡന്റ് പി. പ്രഭാകരന് നായര്. കേരള സ്റ്റേറ്റ് പെന്ഷണേഴ്സ് സംഘ് തിരുവനന്തപുരം ജില്ലാ കമ്മറ്റി നടത്തിയ സെക്രട്ടേറിയറ്റ് ധര്ണ ഉദ്ഘാടനം ചെയ്യുകയായിരുന്നു അദ്ദേഹം. പെന്ഷന്കാര്ക്ക് സമഗ്ര ഇന്ഷുറന്സ് പദ്ധതി നടപ്പാക്കണമെന്നും വിലക്കയറ്റം തടയാനുള്ള നടപടികള് സ്വീകരിക്കണമെന്നും അദ്ദേഹം ആവശ്യപ്പെട്ടു. ജില്ലാ അധ്യക്ഷന് കെ. വിജയകുമാര് അധ്യക്ഷത വഹിച്ചു. എന്ജിഒ സംഘം സംസ്ഥാന പ്രസിഡന്റും പി. സുനില്കുമാര് പെന്ഷണേഴ്സ് സംഘ് ഭാരവാഹികളായ ആര്. കേശവന്നായര്, എം. വിജയകുമാരന്നായര്, എസ്. വിശ്വംഭരന്നായര്, ടി. പത്മനാഭന്നായര്, പി.ടി. ശ്രീകുമാരന് തമ്പി, കെ.പി. രാമചന്ദ്രന് നായര് എന്നിവര് സംസാരിച്ചു.
