കണിയാമ്പറ്റ: വയോജനങ്ങള്ക്കായി നടത്തുന്ന പുര്ജ്ജനി പദ്ധതിക്ക് ഉജ്ജ്വല തുടക്കം. ജില്ലയിലെ 60 കഴിഞ്ഞ മുഴുവന് വയോജനങ്ങളുടെയും ക്ഷേമം ലക്ഷ്യമാക്കിക്കൊണ്ടുള്ള ജില്ലാ പഞ്ചായത്ത് പദ്ധതിയായ പുനര്ജ്ജനിക്കാണ് തുടക്കമായത്. 874 അംഗന്വാടികള് കേന്ദ്രീകരിച്ച് വയോജക്കൂട്ടായ്മകള് രൂപീകരിച്ചാണ് പദ്ധതിപ്രവര്ത്തനങ്ങള്ക്കാണ് ജില്ലാ പഞ്ചായത്ത് തുടക്കം കുറിച്ചത്. ജില്ലയിലെ മുഴുവന് കേന്ദ്രങ്ങളിലും ഒരേസമയത്താണ് പദ്ധതിപ്രവര്ത്തനങ്ങള് ആരംഭിച്ചത്. പഞ്ചായത്ത്, ബ്ലോക്ക്, ജില്ലാ ഘടകങ്ങള് രൂപീകരിച്ച് സൊസൈറ്റി ആക്ട് പ്രകാരം രജിസ്ട്രര് ചെയ്ത് പ്രവര്ത്തനം ഏകോപിപ്പിക്കുന്നതാണ് രണ്ടാം ഘട്ട പ്രവര്ത്തനം. വയോജനങ്ങളുടെ പ്രശ്നങ്ങള് നേരിട്ട് മനസ്സിലാക്കുകയും പരിഹാരനടപടികള് നടപ്പിലാക്കുകയുമാണ് ജില്ലാ പഞ്ചായത്ത് ലക്ഷ്യമിടുന്നത്. കണിയാമ്പറ്റ പഞ്ചായത്തിലെ പതിനേഴാം വാര്ഡിലെ എടക്കൊമ്പം കോളിപ്പറ്റ അംഗന്വാടിയില് നടന്ന പുനര്ജ്ജനി വയോജന കൂട്ടായ്മയുടെ ഉദ്ഘാടനം ജില്ലാ പഞ്ചായത്ത് മെമ്പര് പി. ഇസ്മായില് നിര്വ്വഹിച്ചു. വാര്ഡ് മെമ്പര് അബ്ബാസ് പുന്നോളി അധ്യക്ഷത വഹിച്ചു. ചീരാല് ഗവണ്മെന്റ് ഹൈസ്കൂള് അധ്യാപിക ക്ലാസെടുത്തു. രുഗ്മിണി ടീച്ചര്, കുഞ്ഞിരാമന് കോളിപ്പറ്റ, വി.കെ ഗംഗാധരന്, പി.പി കുര്യാക്കോസ്, രാമന് കോളിപ്പറ്റ, സാറാമ്മ ഫിലിപ്പ്, ജാനകി കോളിപ്പറ്റ, രാജന് നായര്, ആശ വര്ക്കര് ജിന്സി സംസാരിച്ചു. ഫിലിപ്പ് കീച്ചേരി (ചെയര്മാന്), രുഗ്മിണി ടീച്ചര്(കണ്വീനര്), രാമന് കൂളിപ്പറ്റ(ജോയിന്റ് കണ്വീനര്), ടി.കെ ഗംഗാധരന്(ട്രഷറര്) എന്നിവരെ വയോജനക്കൂട്ടായ്മ ഭാരവാഹികളായി തെരഞ്ഞെടുത്തു.
വയോജനങ്ങള്ക്ക് ജില്ലാ പഞ്ചായത്തിന്റെ പുനര്ജ്ജനി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.