കൂടാളി: റിട്ട.മേജര് ജനറല് സോമനാഥ്ഝായും അദ്ദേഹത്തിന്റെ ഭാര്യ ചിത്രഝായും നടത്തുന്ന അഖിലേന്ത്യാ സൈക്കിള് യാത്രക്ക് പൂര്വ്വ സൈനികസേവാപരിഷത്തിന്റെയും കൂടാളി ഹൈസ്കൂള് എന്എസ്എസിന്റെയു നേതൃത്വത്തില് കൂടാളി ഹൈസ്കൂളില് സ്വീകരണം നല്കി. പൂര്വ്വസൈനിക സേവാപരിഷത്ത് സംസ്ഥാന അധ്യക്ഷന് കേണല് രാംദാസ് ഷാള് അണിയിച്ച് സ്വീകരിച്ചു. ചടങ്ങില് വിനോദ് മാസ്റ്റര്, പി.ആര്.രാജന്, മോഹനന്, രാജേഷ് മാസ്റ്റര് എന്നിവര് സംബന്ധിച്ചു.
കണ്ണൂര്: യുദ്ധങ്ങളില് വീരമൃത്യു വരിച്ച സൈനികരുടെ സ്മരണക്ക് ആദരമര്പ്പിക്കാനായി രാജ്യമാകെ സൈക്കിളില് സഞ്ചരിക്കുന്ന മേജര് ജനറല്(റിട്ട.) സോമനാഥ് ഝാക്ക് കണ്ണൂര് ഡി എസ് സി യില് സ്വീകരണം നല്കി. 1967 മുതല് വിവിധ യുദ്ധങ്ങളില് മരണമടഞ്ഞ സൈനികര്ക്ക് ആദരമര്പ്പിക്കാന് അംബാലയില് നിന്ന് 2016 സപ്തംബര് 30 നാണ് സോമനാഥ് യാത്ര തുടങ്ങിയത്. 22 സംസ്ഥാനങ്ങളിലൂടെ 6000 കിലോമീറ്ററിലേറെ സഞ്ചരിച്ചാണ് അദ്ദേഹം കണ്ണൂരില് എത്തിയിരിക്കുന്നത്. കണ്ണൂര് മിലിട്ടറി സ്റ്റേഷന് കമാണ്ടര് കേണല് യുദ്ധ് വീര് സിങ്ങ് 122 ഇന്ഫന്ട്രി ബറ്റാലിയന് കമാണ്ടിങ്ങ് ഓഫീസര് കേണല് രാജേഷ് കനോജിയ എന്നിവര് ചേര്ന്ന് അദ്ദേഹത്തെ വരവേറ്റു.
