തൊടുപുഴ: കഞ്ചാവ് കച്ചവടത്തിനിടെ യുവാവ് പിടിയില്‍. പൊടി മോന്‍ എന്ന് വിളിക്കുന്ന ടിനോ മാത്യു വിനെയാണ് ഇടവെട്ടിയില്‍ വിദ്യാര്‍ത്ഥികള്‍ക്ക് കഞ്ചാവ് കൈമാറുന്നതിനിടെ പിടികൂടിയത്.
ഇയാളുടെ പക്കല്‍ നിന്ന് 20 ഗ്രാം കഞ്ചാവ് പിടിച്ചെടുത്തു. കുട്ടികള്‍ക്കിടയില്‍ വ്യാപകമായി കഞ്ചാവ് വിതരണം ചെയ്തിരുന്ന ആളാണ് പൊടിമോന്‍. തൊടുപുഴ എക്‌സൈസ് സര്‍ക്കിള്‍ ഇന്‍സ്‌പെക്ടര്‍ പി.വി. ബിജുവിന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്. അസി. എക്‌സൈസ് ഇന്‍സ്‌പെക്ടര്‍ ഗ്രേഡ് ,ഫ്രാന്‍സിസ് ജോസഫ്, സുഭാഷ് എ.എസ്, സിവില്‍ എക്‌സൈസ് ഓഫീസര്‍മാരായ അജിത് കുമാര്‍ , പ്രകാശ് , അനൂപ് പി.ബി എന്നിവര്‍ ചേര്‍ന്നാണ് പ്രതിയെ പിടികൂടിയത്.
