കണ്ണൂര്: കേരള വ്യാപാരി വ്യവസായി ഏകോപന സമിതിയുടെ രജിസ്ട്രേഷനുമായി ബന്ധപ്പെട്ട് നവ മാധ്യമങ്ങളിലൂടേയും പത്ര മാധ്യമങ്ങളിലൂടേയും നസ്സറുദ്ദീന് വിഭാഗവും ചില തല്പ്പര കക്ഷികളും നടത്തി വരുന്ന പ്രചാരണങ്ങള്ക്കെതിരെ നിയമ നടപടി സ്വീകരിക്കുമെന്ന് വ്യാപാരി വ്യവസായി ഏകോപന സമിതി ഹസ്സന്കോയ വിഭാഗം ഭാരവാഹികള് വാര്ത്താ സമ്മേളനത്തില് പറഞ്ഞു. നസീറുദ്ദീന് വിഭാഗത്തിന് രജിസ്ട്രേഷന് ലഭിച്ചുവെന്ന രീതിയില് നടക്കുന്ന പ്രചാരണങ്ങള് അടിസ്ഥാന രഹിതവും വസ്തുതാ വിരുദ്ധവുമാണെന്ന് ഇവര് പറഞ്ഞു. സംഘടനയില് രണ്ടു വിഭാഗങ്ങള് തമ്മില് തര്ക്കം നിലനില്ക്കുന്നതിനാല് തര്ക്കം തീരുന്നതുവരെ രജിസ്ട്രേഷന് പുതുക്കി നല്കേണ്ടതില്ല എന്ന തൃശൂര് ജില്ലാ രജിസ്ട്രാറിന്റെ ഉത്തരവിന്റെ അടിസ്ഥാനത്തില് 2009 നു ശേഷം 2016 ആഗസ്ത് 12 വരെ സംഘടനയുടെ രജിസ്ട്രേഷന് പുതുക്കി നല്കിയിരുന്നില്ല. എന്നാല് തൃശൂര് ജില്ലാ രജിസ്ട്രാര് മാറി പുതിയ വ്യക്തി ചാര്ജ്ജെടുത്തതോടെ രജിസ്ട്രാറെ കബളിപ്പിച്ച് നസ്സുറുദ്ദീന് വിഭാഗം നേതാക്കള് സംഘടനയുടെ രജിസ്ട്രേഷന് പുതുക്കി വാങ്ങിയിരുന്നു. എന്നാല് യഥാര്ത്ഥ വസ്തുത രജിസ്ട്രാറെ ബോധ്യപ്പെടുത്തിയ ശേഷം രജിസ്ട്രാര് നസ്സറുദ്ദീന് വിഭാഗത്തിന്റെ രജിസ്ട്രേഷന് റദ്ദു ചെയ്യുകയും ചെയ്തിരുന്നു. തുടര്ന്ന് ഹൈക്കോടതിയും രജിസ്ട്രേഷന് പുതുക്കി നല്കിയ നടപടി റദ്ദു ചെയ്യുകയും ചെയ്തിരുന്നു. രജിസ്ട്രേഷന് പുതുക്കി നല്കുന്നതിനുളള അപേക്ഷ ബന്ധപ്പെട്ട എല്ലാവരുടേയും വാദം കേട്ട ശേഷം രണ്ടു മാസത്തിനകം തീരുമാനിക്കാന് തൃശൂര് രജിസ്ട്രാര്ക്ക് നിര്ദ്ദേശം നല്കിയിരിക്കുകയാണ്. കോടതിവിധി ഇതായിരിക്കെ നസറുദ്ദീന് വിഭാഗത്തിന് രജിസ്ട്രേഷന് പുനസ്ഥാപിച്ചു കിട്ടിയെന്നും കൊടിയുടേയും ചിഹ്നത്തിന്റെയും ഉടമസ്ഥര് തങ്ങള് മാത്രമാണെന്നും മറ്റുമുളള കളളപ്രചാരണം അസത്യവും കോടതിയെ അവഹേളിക്കലുമാണ്. വ്യാപാരികളെ മനപൂര്വ്വം കബളിപ്പാക്കാനും തെറ്റിദ്ധരിപ്പിക്കാനുമുളള ഉദ്ദേശത്തോടു കൂടി നടത്തുന്ന വ്യാജ പ്രചരണത്തിനെതിരെ നിയമനടപടി സ്വീകരിക്കുമെന്ന് ഇവര് പറഞ്ഞു. പത്രസമ്മേളനത്തില് വ്യാപാരി വ്യവസായി ഏകോപന സമിതി ഹസ്സന്കോയ വിഭാഗം പ്രസിഡണ്ട് ടി.എഫ്.സെബാസ്റ്റ്യന്, സി.എച്ച്.ആലിക്കുട്ടി,വി.കണ്ണന്,അഹമ്മദ് പരിയാരം, ചിറക്കല് ബുഷ്റ എന്നിവര് പങ്കെടുത്തു.
വ്യാപാരി വ്യവസായി ഏകോപന സമിതി രജിസ്ട്രേഷന് : വ്യാജ പ്രചാരണം നടത്തുന്നതിനെതിരെ നിയമ നടപടി സ്വീകരിക്കുമെന്ന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.