കോട്ടയം: കാഞ്ഞിരപ്പള്ളി അമല്ജ്യോതി എഞ്ചിനീയറിങ് കോളേജില് പ്രവര്ത്തിക്കുന്ന ഐഐഐടി കാമ്പസിലെ പ്രശ്നങ്ങള് പരിഹരിക്കണമെന്നാവശ്യപ്പെട് എബിവിപിയുടെ നേ തൃത്വത്തില് നടന്ന നിരാഹാരസമരം അവസാനിച്ചു.
കോഴിക്കോട് എന്ഐടി ഡയറക്ടര് കേന്ദ്ര-കേരള സര്ക്കാരുകളുടെ പ്രതിനിധികളുമായി എബിവിപി സംസ്ഥാന ജോയിന്റ് സെക്രട്ടറി ആര്.കൃഷ്ണരാജ് നടത്തിയ ചര്ച്ചയില് സമരത്തിന്റെ ഭാഗമായി ഉയര്ത്തിയ മുഴുവന് ആവശ്യങ്ങളും അംഗീകരിച്ചതിനെ തുടര്ന്നാണ് നിരാഹാര സമരം അവസാനിപ്പിച്ചത് .എബിവിപി സംസ്ഥാന സംഘടനാ സെക്രട്ടറി ഒ. നിധീഷ് നാരങ്ങാനീര് നല്കി സമരം അവസാനിപ്പിച്ചു.
ഒരു മാസത്തിനുളളില് ഐ.ഐ.ഐ.ടി പുതിയ ക്യാമ്പസിലേക്ക് മാറ്റും, എന്.ഐ.ടി നിയമിക്കുന്ന യോഗ്യതയുള്ള അധ്യാപകര് ക്ലാസുകള് എടുക്കും, ഹോസ്റ്റല് സൗകര്യം മികച്ച ഭക്ഷണം എന്നിവ വിദ്യാര്ത്ഥികള്ക്ക് ലഭ്യമാക്കും, ഐ.ഐ.ഐ.ടി ക്കു വേണ്ടി പാല വലവൂരില് കണ്ടത്തിയിട്ടുള്ള സ്ഥലത്ത്പുതിയ ക്യാമ്പസിന്റെ പണി ഉടന് തുടങ്ങും എന്നീ നിരവധി ആവശ്യങ്ങള് ചര്ച്ചയില് അംഗീകരിച്ചു. സമരത്തില് എ. ബി.വി.പി ദേശീയ നിര്വാഹക സമതി അംഗം എസ്.ശരത്ത് ,കെ .സി അരുണ് വി എസ് വിഷ്ണു ഐ.ഐ.ഐ.ടി വിദ്യാര്ത്ഥികളായ അനുജ്, പ്രശാന്ത്, ദിനേശ്, പവന് സായി, അഖില്, പ്രേംകുമാര്, സായി സൂര്യ കിരണ്, ജയ് സിങ്ങ്, ഈശ്വര് എന്നിവര് നിരാഹാര സമരത്തില് പങ്കടുത്തു
