യു.എന്: ഭാരതവും പാക്കിസ്ഥാനും ആവശ്യപ്പെട്ടാല് യുണൈറ്റഡ് നേഷന് ഇടപെടുമെന്ന് ഐക്യരാഷ്ട്ര സഭാ സെക്രട്ടറി ജനറൽ ബാൻ കീ മൂൺ. സംഘർഷം കൂടുതൽ രൂക്ഷമാവാതെ നോക്കാൻ ഇരു രാജ്യങ്ങളും സംയമനം പാലിക്കണമെന്ന് ബാൻ കീ മൂൺ പറഞ്ഞതായി മൂണിന്റെ വക്താവ് അറിയിച്ചു.
നയതന്ത്രത്തിലൂടെയും ചർച്ചകളിലൂടെയും ഇരു രാജ്യങ്ങളും പ്രശ്നങ്ങൾ പരിഹരിക്കണമെന്നും മൂണ് ആവശ്യപ്പെട്ടു. ഭാരതം പാക് അധീന കാശ്മീരില് കടന്നുകയറിയെന്നുള്ള അവകാശവാദം കൂടിക്കാഴ്ചയില് തള്ളിക്കളഞ്ഞ ലോധി അവര് അതിര്ത്തിയില് ശക്തമായ ആക്രമണം നടത്തിയെന്ന് വെളിപ്പെടുത്തി.
ഭാരതവും പാക്കിസ്ഥാനും തമ്മില് കശ്മീര് ഉള്പ്പടെയുള്ള പ്രശ്നങ്ങളില് ഇടപെടണമെങ്കില് ഇരുരാജ്യങ്ങളും ആവശ്യപ്പെടണമെന്ന നിലപാടാണ് ആദ്യം മുതല് യുഎന് സ്വീകരിച്ചിരുന്നത് ഒരു രാജ്യം മാത്രം ആവശ്യപ്പെട്ടാല് ഐക്യരാഷ്ട്രസഭ ഇടപെടില്ല.
കശ്മീർ പ്രശ്നം ഭാരതത്തിന്റെ ആഭ്യന്തര കാര്യമാണെന്നും അതിൽ ആരും മദ്ധ്യസ്ഥത വഹിക്കേണ്ടതില്ലെന്നുമാണ് ഭാരതത്തിന്റെ പ്രഖ്യാപിത നിലപാട്. മുമ്പ് അമേരിക്കയും മദ്ധ്യസ്ഥതയ്ക്കുള്ള സന്നദ്ധത അറിയിച്ചെങ്കിലും ഭാരതം നിരസിക്കുകയായിരുന്നു.
