തിരുവനന്തപുരം: തിരുവനന്തപുരം സൗത്ത് പോസ്റ്റല് ഡിവിഷനിലെ ജീവനക്കാരുടെ പ്രൊമോഷനും ഇന്ക്രിമെന്റും അട്ടിമറിക്കാന് ആസൂത്രിത നീക്കം. ഇടതുപക്ഷ സംഘടനയായ നാഷണല് ഫെഡറേഷന് ഓഫ് പോസ്റ്റല് എംപ്ലോയീസിന്റെ (എന്എഫ്പിഇ) താത്പര്യത്തിനനുസരിച്ച് പ്രവര്ത്തിക്കുന്ന തിരുവനന്തപുരം സൗത്ത് ഡിവിഷന് സൂപ്രണ്ടിന്റെ നിലപാടാണ് മറ്റു സംഘടനകളിലെ ജീവനക്കാരുടെ വാര്ഷിക ഇന്ക്രിമെന്റ് പ്രൊമോഷനും തടയുന്ന രീതിയിലേക്ക് മാറുന്നത്.
ജീവനക്കാര്ക്കുള്ള ആനുവല് പെര്ഫോമന്സ് അസെസ്മെന്റ് റിപ്പോര്ട്ടില് (എപിഎആര്) ഇടതുസംഘടനാ നേതാക്കളുടെ ഇംഗിതമനുസരിച്ചാണ് സൂപ്രണ്ട് ഗ്രേഡ് നല്കിയത്. മികച്ച രീതിയില് ജോലിയെടുത്ത ജീവനക്കാര്ക്ക് കുറഞ്ഞ ഗ്രേഡിംഗ് നല്കിയപ്പോള് ഇടതുസംഘടനാ നേതാക്കള്ക്ക് ഉയര്ന്ന ഗ്രേഡിംഗും നല്കി. ഉയര്ന്ന ഗ്രേഡിംഗനുസരിച്ചാണ് ജീവനക്കാരുടെ വാര്ഷിക ഇന്ക്രിമെന്റും പ്രമോഷനും നിശ്ചയിക്കപ്പെടുന്നത്. ഇടതുനേതാക്കള്ക്ക് വാരിക്കോരി ഗ്രേഡിംഗ് നല്കിയ സൂപ്രണ്ട് പിന്നീട് ഇടതുസംഘടന നല്കിയ ലിസ്റ്റ് പ്രകാരം വേണ്ടപ്പെട്ടവര്ക്ക് ഗ്രേഡിംഗ് അനധികൃതമായി തിരുത്തി നല്കുകയും ചെയ്തു. ഗ്രേഡിംഗ് ഒരിക്കല് നിശ്ചയിച്ചാല് അത് തിരുത്താന് ഡയറക്ടര് ഓഫ് പോസ്റ്റല് സര്വ്വീസിന് മാത്രമാണ് അധികാരം എന്നിരിക്കവെയാണ് സൂപ്രണ്ട് ഔദ്യോഗിക കൃത്യവിലോപം നടത്തിയത്. ഇതിനെതിരെ പ്രതിഷേധിച്ച കോണ്ഗ്രസ് അനുകൂല സംഘടനയായ എഫ്എന്പിഒയുടെയും ബിഎംഎസ് സംഘടനയായ ബിപിഎഫിന്റെയും പ്രവര്ത്തകര്ക്കെതിരെ പ്രതികാരനടപടിയുമായാണ് സൂപ്രണ്ട് മുന്നോട്ടുപോകുന്നത്.
ഡിപ്പാര്ട്ടുമെന്റ് ചെലവില് സംഘടിച്ച ട്രെയിനിംഗ് പ്രോഗ്രാമില് മറ്റ് ന്യൂനപക്ഷ സംഘടനകള് പറയുന്നത് ആരും അംഗീകരിക്കരുതെന്ന് പരസ്യമായി പറയാനും സൂപ്രണ്ട് മടിച്ചില്ല. സപ്തംബര് 2 ന് നടന്ന അഖിലേന്ത്യാ പണിമുടക്കില് ബിഎംഎസ് അനുകൂല സംഘടന പ്രവര്ത്തകര് പങ്കെടുക്കാതിരുന്നിട്ടും സംഘടനയിലെ അംഗങ്ങളുടെ ശമ്പളം വെട്ടിക്കുറച്ചു. ഇടതുപക്ഷസംഘടനയുടെ ചില ജീവനക്കാര് നടത്തുന്ന പണം തിരിമറികള്ക്കെതിരായ പരാതികളില് അന്വേഷണം പോലും നടത്താന് സൂപ്രണ്ട് തയ്യാറല്ല.
