മല്ലപ്പള്ളി: കഴിഞ്ഞ എട്ടു വര്ഷം കൊണ്ട് 120 ഹാന്ഡ്ബോള് താരങ്ങളെ സംസ്ഥാന ഹാന്ഡ്ബോള് ടീമിന് സംഭാവന ചെയ്ത മല്ലപ്പള്ളിക്ക് ആവേശം പകര്ന്ന് കൊണ്ട്• പബ്ലിക് സ്റ്റേഡിയത്തിലെ ഇന്ഡോര് കോര്ട്ടിന്റെ നിര്മാണം ആദ്യഘട്ടം പൂര്ത്തിയാക്കുന്നു ജില്ലാതല ഹാന്ഡ്ബോള് പരിശീലന കേന്ദ്രമായ മല്ലപ്പള്ളിയില് ഇന്ഡോര് കോര്ട്ട് പൂര്ത്തിയാകുന്നതോടെ വോളിബോള്, ഹാന്ഡ്ബോള്, ബാസ്കറ്റ്ബോള്, ബോള് ബാഡ്മിന്റന്, ടേബിള് ടെന്നിസ്, ഷട്ടില് എന്നീ ഇനങ്ങള്ക്കും സൗകര്യമാകും.
2 മീറ്റര് നീളവും 2.5 മീറ്റര് വീതിയും 15 മീറ്റര് ഉയരവും ഉള്ള രീതിയിലാണ് പുതിയ കോര്ട്ടിന് രൂപം നല്കിയത്.റൂഫിങ്, ഫ്ലോറിങ് എന്നിവയുടെ പണികള് ഏതാണ്ട് പൂര്ത്തിയായി വരുന്നു. ഈരംഗത്ത് നിര്മ്മാണ മേഖലയില് ശ്രദ്ധേയമായ പത്തനാപുരം സ്വദേശി ഡാനിയല് ജോര്ജാണ് കരാറുകാരന്. 60 ലക്ഷത്തോളം രൂപ ചെലവിലാണ് സ്റ്റേഡിയത്തിന്റെ രണ്ടാം ഘട്ടമായ കോര്ട്ടിന്റെ നിര്മാണം നടക്കുന്നത്.വിവിധ കേന്ദ്ര കായിക പദ്ധതികളുടെ പിന്ബലത്തില് രാജ്യസഭ ഉപാധ്യക്ഷന് പി.ജെ. കുര്യന്, ആന്റോ ആന്റണി എംപി എന്നിവരുടെ പ്രാദേശിക വികസന ഫണ്ടുകളും പബ്ലിക് സ്റ്റേഡിയം സൊസൈറ്റിയുടെയും മറ്റ് കായിക പ്രേമികളുടെയും സഹകരണത്തോടുമാണ് സ്റ്റേഡിയം നിര്മ്മിക്കുന്നത്. നടപ്പാലത്തിന്റെ പുനരുദ്ധാരണവും രണ്ടാം ഘട്ടത്തില് ലക്ഷ്യമിടുന്നുണ്ട്. കഴിഞ്ഞ മാര്ച്ചിലാണ് നിര്മാണ പ്രവര്ത്തനങ്ങള്ക്ക് തുടക്കമായത്.അടുത്ത ഘട്ടത്തില് ജിംനേഷ്യം, ഓഫിസ് കോംപ്ലക്സ്, ഗാലറി എന്നിവ ലക്ഷ്യമിടുന്നതായി അധികൃതര് പറഞ്ഞു. വോളിബോളിന്റെ ഈറ്റില്ലമായ മല്ലപ്പള്ളിയിലെ ഇന്ഡോര് സ്റ്റേഡിയം ഒന്നര മാസത്തിനകം പൂര്ത്തീകരിക്കാന് കഴിയുമെന്ന പ്രതീക്ഷയാണുള്ളത്. കഴിഞ്ഞതായി സൊസൈറ്റി ഭാരവാഹികള് പറയുന്നു.ദേശീയ നിലവാരമുള്ള സ്റ്റേഡിയം പൂര്ത്തിയാകുന്നതോടെ ശ്രദ്ദേയമായ വിവിധ മത്സരങ്ങള്ക്കാകും മല്ലപ്പള്ളി ഇന്ഡോര് സ്റ്റേഡിയം സാക്ഷിയാകുക.
