പാരീസ്: ഉക്രെയ്ന്-അയര്ലന്ഡ് മത്സരത്തിനിടെ അയര്ലന്ഡ് ആരാധകന് കുഴഞ്ഞുവീണു മരിച്ചു. റോബര്ട്ട് റെയ്നി എന്ന ആരാധകനാണ് മരിച്ചത്. കളികാണുകയായിരുന്ന റെയ്നിനെ നെഞ്ചുവേദനയെത്തുടര്ന്ന് ആശുപത്രിയിലെത്തിച്ചെങ്കിലും രക്ഷിക്കാനായില്ല. മത്സരത്തില് അയര്ലന്ഡ് ഉക്രെയ്നെതിരെ മിന്നുന്ന വിജയം സ്വന്തമാക്കിയിരുന്നു.
അയര്ലന്ഡിന്റെ കടുത്ത ആരാധകനായ ഇദ്ദേഹം വളരെയേറെ വികാരാധീനനായിരുന്നു. ഇതേത്തുടര്ന്നുള്ള ഹൃദയാഘാതമാണ് മരണകാരണമെന്ന് ഡോക്ടര്മാര് പറഞ്ഞു. ഈയാഴ്ച രണ്ടാമത്തെ അയര്ലന്ഡ് ആരാധകനാണ് ഫ്രാന്സില് മരണമടയുന്നത്. കഴിഞ്ഞ ദിവസം ഡാരന് റോഡ്ജര് എന്ന 24കാരന് അപകടത്തില് മരണപ്പെട്ടിരുന്നു. ഇതില് ആദരാഞ്ജലികള് അര്പ്പിച്ച് പോളണ്ടുമായിട്ടുളള മത്സരത്തില് കറുത്ത റിബണുകള് അണിഞ്ഞാണ് കളിക്കാര് കളത്തിലിറങ്ങിയത്.
