തൃക്കരിപ്പൂര്: നിയമസഭ തെരഞ്ഞെടുപ്പിന് ശേഷം തൃക്കരിപ്പുരിലും പരിസര പ്രദേശങ്ങളിലും ബിജെപി നേതാക്കള്ക്കും പ്രവര്ത്തകര്ക്കും നേരെ അക്രമം അഴിച്ചു വിടുകയും വീടുകളും വാഹനങ്ങളും അടിച്ച് തകര്ക്കുകയും തീവെച്ചു നശിപ്പിക്കുകയും ചെയ്ത സിപിഎം ക്രിമിനലുകളെ ചന്തേര പോലീസ് സംരക്ഷിക്കുകയാണെന്ന് ബിജെപി തൃക്കരിപ്പൂര് പഞ്ചായത്ത് കമ്മറ്റി കുറ്റപ്പെടുത്തി. സിപിഎം നേതാക്കളുടെ അറിവോടും സമ്മതത്തോടും കുടിയാണ് അക്രമങ്ങള് നടന്നത്. എന്നാല് യഥാര്ത്ഥ പ്രതികളെ പോലീസ് തിരിച്ചറിഞ്ഞിട്ടും പിടികുടാതെ സിപിഎമ്മിന്റെ ബി ടീമായി പ്രവര്ത്തിക്കുകയാണ് പോലീസ് ചെയ്യുന്നത്.
വ്യാപകമായി തേര്വാഴ്ച നടത്തിയ സിപിഎം ഗുണ്ടകള് ഇപ്പോഴും പോലീസിന് മുന്നില് വിലസുകയാണ്. സിപിഎം ക്രിമിനലുകള്ക്ക് പോലീസ് തന്നെ സംരക്ഷണമൊരുക്കി നിരപരാധികളായ ബിജെപി പ്രവര്ത്തകരെ കള്ളക്കേസില്പ്പെടുത്തി ജയിലിലടക്കുകയാണ് പോലീസ് ചെയ്തത്. ഇത്തരം നിലപാടുകള് അടിയന്തിരമായി തിരുത്തി പ്രതികളെ പിടികുടിയില്ലെങ്കില് ജനങ്ങളെ അണിനിരത്തി പോലിസ് സ്റ്റേഷന് മാര്ച്ച് ഉള്പ്പെടെയുള്ള പ്രക്ഷോഭ സമര പരിപടക്കള്ക്ക് ബിജെപി നേതൃത്വം നല്കുമെന്ന് യോഗം മുന്നറിപ്പ് നല്കി. യോഗത്തില് ടി.ഗംഗാധരന് അധ്യക്ഷത വഹിച്ചു. ബിജെപി ജില്ലാ സെക്രട്ടറി ടി.കുഞ്ഞിരാമന്, മണ്ഡലം സെക്രട്ടറി മനോഹരന് കുവാരത്ത്, ട്രഷര് യു.രാജന്, എ.വി.സുധാകരന് സംസാരിച്ചു.
