ന്യൂയോര്ക്ക്: വിമാനത്തിനുള്ളില് കണക്കിലെ സമവാക്യങ്ങള് എഴുതുകയും പറയുകയും ചെയ്ത അസോസിയേറ്റ് പ്രെഫസറെ തീവ്രവാദിയെന്ന് തെറ്റിദ്ധരിച്ചു. പെന്സില്വാനിയ സര്വ്വകലാശാലയിലെ ഇക്കണോമിക്സ് പ്രെഫസറായ ഗുയിഡോ മെന്സിയോയാണ് കുറച്ച് സമയത്തേക്ക് തീവ്രവാദിയായി സംശയിക്കപ്പെട്ടത്.
ഫിലാഡല്ഫിയയില് നിന്നും കാനഡയിലെ ക്യൂന്സ് സര്വ്വകലാശാലയില് നടക്കുന്ന സെമിനാറില് പങ്കെടുക്കാന് അമേരിക്കന് എയര്ലൈന്സില് പോകാന് എത്തിയതായിരുന്നു ഗുയിഡോ. യാത്ര തുടങ്ങുന്നതിനു മുന്പ് സെമിനാറില് അവതരിപ്പിക്കുന്ന കണക്കിലെ ചില സമവാക്യങ്ങള് സീറ്റിലിരുന്ന് പ്രൊഫസര് എഴുതുകയും പറയുകയും ചെയ്തു. ഈ സമയം അടുത്തിരുന്ന യുവതി ഇതെല്ലാം സൂക്ഷമായി വീക്ഷിക്കുന്നുണ്ടായിരുന്നു.
ഏറെ നേരം പ്രെഫസറെ നോക്കി ഇരുന്ന യുവതി താന് തീര്ത്തും അവശയാണെന്ന് അറിയിച്ച് ക്യാബിന് ക്രൂവിന്റെ അടുത്തേക്ക് പോയി. ക്യാബിന് ക്രൂവിന്റെ അടുത്തെത്തിയ ഇവര് പ്രൊഫസര് ചില രഹസ്യ തീവ്രവാദ കോഡുകള് ഉപയോഗിക്കുന്നതായി സംശമുണ്ടെന്ന് എഴുതിയ കുറിപ്പ് ക്രൂവിനു നല്കി വിമാനത്തില് നിന്നും പുറത്തേക്ക് കടക്കുകയും ചെയ്തു.
കുറിപ്പ് ലഭിച്ച ഉടന് പ്രെഫസറെ വിമാനത്തില് നിന്നും പുറത്തിറക്കി സുരക്ഷാ പരിശോധനയ്ക്ക് വിധേയനാക്കുകയും ചെയ്തു. താന് തീവ്രവദിയല്ലെന്നും സര്വ്വകലാശാല അധ്യാപകനാണെന്നും സെമിനാറിലെ ചില കാര്യങ്ങള് മാത്രമാണ് പറയുകയും എഴുതുകയും ചെയ്തതെന്ന് പ്രൊഫസര് ഉദ്യോഗസ്ഥരെ അറിയിച്ചപ്പോഴാണ് സത്യാവസ്ഥ മനസിലായത്. എന്നാല് ഇതേ തുടര്ന്ന് രണ്ട് മണിക്കൂറാണ് വിമാനം യാത്ര തിരിക്കാന് വൈകിയത്. പിന്നീട് സംഭവത്തെക്കുറിച്ച് പ്രൊഫസര് ഫെയ്സ്ബുക്കില് തമാശയോടെയാണ് പ്രതികരിച്ചത്.
