അടിമാലി: വിദ്യാര്‍ത്ഥികള്‍ അവധിക്ക് വീടുകളിലേക്കു മടങ്ങിയത് മറയാക്കി രണ്ടു മഹിള ശിക്ഷണ്‍ കേന്ദ്രങ്ങള്‍ പൂട്ടിയതായി പരാതി. ഇരുമ്പുപാലം, പത്താംമൈല്‍ എന്നിവിടങ്ങിലെ മഹിളശിക്ഷണ്‍ ഹോസ്റ്റലുകള്‍ അടച്ചു പൂട്ടിയത്. ഹോസ്‌ററലുകള്‍ അടച്ചു പൂട്ടിയതോടെ ഇവിടെ താമസിച്ചു പഠനം നടത്തിയിരുന്ന 60 കുട്ടികളുടെ വിദ്യാഭ്യാസം മുടങ്ങുന്ന സ്ഥതിയിലാണ് . ഇടമലക്കുടി അടക്കമുള്ള വിദൂര സ്ഥനങ്ങളില്‍ നിന്നെത്തി സര്‍ക്കാര്‍ സ്‌കുളില്‍ ഒന്നു മുതല്‍പത്താം ക്ലാസ് വരെ പഠിക്കുന്ന വിദ്യാര്‍ത്ഥിനികളുടെ ഭാവിയാണു ഹോസ്റ്റലുകള്‍ അടച്ചു പൂട്ടിയതോടെ പ്രതിസന്ധിയിലാത്. ദുര്‍ബല വിഭാഗങ്ങളുടെ കോളനികളിലെ ഇടയ്‌ക്കു വച്ച് പഠനം മുടങ്ങിപോയ കുട്ടികളെ കണ്ടെത്തി അവര്‍ക്കു വിദ്യാഭ്യാസം നല്‍കാന്‍ ആരംഭിച്ച ശിക്ഷണ്‍കേന്ദ്രങ്ങളാണു അടച്ചുപൂട്ടിയത്. ഫണ്ടില്ലാത്ത സാഹചര്യമാണു കേന്ദ്രങ്ങള്‍ അടച്ചു പൂട്ടാന്‍ കാരണമെന്നു അധീക്യതര്‍ നല്‍കുന്ന വീശദീകരണം. ഇവിടുത്തെ വിദ്യാര്‍ത്ഥികളെ മറയൂര്‍ , ശാന്തപാറ എന്നീ കേന്ദ്രങ്ങളിലെത്തിച്ചു വിദ്യാഭ്യാസം തുടരുമെന്ന വിശദീകരണമാണ് അധിക്യതര്‍ നല്‍ക്കുന്നത്. സാമ്പത്തിക പരാധീനതകള്‍ കാരണം അടിമാലിയില്‍ പ്രവര്‍ത്തിച്ചിരുന്ന ജില്ലാ ഓഫീസ് കഴിഞ്ഞ വര്‍ഷം അടച്ചുപുട്ടിയിരുന്നു. പത്തനംതിട്ട ഓഫിസീല്‍ നിന്നെത്തിയ ജീവനക്കാരാണ് ഹോസറ്റല്‍ അടച്ചു പൂട്ടാന്‍ നടപടി സ്വീകരിച്ചത്. ഇരുമ്പുപാലം , ദേവീയാര്‍ കോഴനി, മെഴുകുംചാല്‍, എന്നിവിടങ്ങളില്‍ നിന്നുള്ള വിദ്യാര്‍ത്ഥികള്‍ക്ക് ഇവിടെ എത്തി തുടര്‍ വിദ്യാഭ്യാസം നടത്താന്‍ കഴിയാത്ത സ്ഥിതിലുള്ളതായി രക്ഷിതാക്കാള്‍ പറയുന്നു . രക്ഷിതാക്കളെ അറിയിക്കാതെ അതീവ രഹസ്യമായി ഹോസ്റ്റല്‍ അടച്ചു പൂട്ടിയ നടപടിക്കെതിരെ സര്‍ക്കാരിനും വിദ്യാഭ്യാസ വകുപ്പിനും പരാതി നല്‍ക്കുന്നതിനുള്ള ഒരുക്കത്തിലാണ് ബന്ധപ്പെട്ടവര്‍ .
വിദ്യാര്‍ത്ഥികള്‍ അവധിയാഘോഷിക്കുന്നതിനിടെ മഹിള ശിക്ഷണ്‍ കേന്ദ്രങ്ങള്‍ പൂട്ടി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.