ചെറുതോണി: മതപ്രീണനവും പീഡനവും ഇല്ലാതെ സര്വ്വമതങ്ങള്ക്കും തുല്യനീതി ഉറപ്പാക്കാന് ദേശീയ ജനാധിപത്യ സഖ്യം സ്ഥാനാര്ത്ഥികളെ വിജയിപ്പിക്കണമെന്ന് ഹിന്ദു ഐക്യവേദി ജില്ല പ്രസിഡന്റ് സ്വാമി ദേവചൈതന്യ അഭ്യര്ത്ഥിച്ചു. വാഴത്തോപ്പ് പഞ്ചായത്ത് ഹിന്ദു പ്രവര്ത്തക സംഗമവും, തെരഞ്ഞെടുപ്പും ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ന്യൂനപക്ഷ പ്രീണനം ഭരണത്തിന്റെ മുഖമുദ്രയാക്കിയിരിക്കുകയാണ്. ഉമ്മന് ചാണ്ടിയുടെ ന്യൂനപക്ഷ പ്രീണനത്തോട് മത്സരിച്ച് ന്യൂനപക്ഷ പ്രീതിക്കായി ഇടതുമുന്നണി ഹിന്ദു വിശ്വാസ സമ്പ്രദായങ്ങളെ ആക്ഷേപിക്കുകയും, ബീഫ് വിഷയം പോലും ഹിന്ദുവിന്റെ മതവിശ്വാസത്തെ വ്രണപ്പെടുത്തുന്ന തരത്തില് പ്രചരണ ആയുധമാക്കിയതായും അദ്ദേഹം കുറ്റപ്പെടുത്തി. യോഗത്തില് ഹിന്ദു ഐക്യവേദി പഞ്ചായത്ത് പ്രസിഡന്റ് കെ എസ് ശ്രീകുമാര് അദ്ധ്യക്ഷത വഹിച്ചു. താലൂക്ക് പ്രസിഡന്റ് വി പി വിജയകുമാര് മുഖ്യപ്രഭാഷണം നടത്തി, താലൂക്ക് സെക്രട്ടറി ഉത്തമന്, മഹിളാ ഐക്യവേദി താലൂക്ക് സെക്രട്ടറി രഞ്ചിനി രാംദാസ്, പഞ്ചായത്ത് സെക്രട്ടറി സുനില് തുടങ്ങിയവര് പങ്കെടുത്തു. എന് ഡി എ സ്ഥാനാര്ത്ഥിയുടെ വിജയത്തിനായി ഗൃഹസമ്പര്ക്ക പരിപാടിക്ക് യോഗം രൂപം നല്കി. തുടര്ന്ന് നടന്ന തെരഞ്ഞെടുപ്പില് ഹിന്ദു ഐക്യവേദി വാഴത്തോപ്പ് പഞ്ചായത്ത് പ്രസിഡന്റായി കെ എസ് ശ്രീകുമാര്, ജനറല് സെക്രട്ടറി പി എ സുധന്, വൈസ് പ്രസിഡന്റ് -അനില്കുമാര്, സെക്രട്ടറിമാരായി-അനില് കണിത്തറ, പി എ പ്രകാശ്, ട്രഷറര് പി വി ബാബു എന്നിവരെ തെരഞ്ഞെടുത്തു. ജില്ലയിലെ അഞ്ച് മണ്ഡലത്തിലും എന്ഡിഎ മുന്നണി സ്ഥാനാര്ത്ഥികള് ശക്തമായ ത്രികോണ മത്സരമാണ് കാഴ്ച വയ്ക്കുന്നത്. തൊടുപുഴയില് യുഡിഎഫും എന്ഡിഎയും തമ്മിലാണ് പോരാട്ടം.
എന്ഡിഎ സ്ഥാനാര്ത്ഥികളെ വിജയിപ്പിക്കണം:സ്വാമി ദേവ ചൈതന്യ
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.