തൊടുപുഴ: തൊടുപുഴ പ്രൈവറ്റ് ബസ് സ്റ്റാന്റിനുള്ളില് പ്രവര്ത്തിച്ചിരുന്ന വഴിയോര കച്ചവടം ഒഴിപ്പിക്കാന് നടപടി കൈക്കൊണ്ട മുനിസിപ്പല് അധികൃതര് മങ്ങാട്ടുകവല ബസ്റ്റാന്റിനുള്ളില് നടത്തുന്ന കച്ചവടം കണ്ടില്ലെന്ന് നടക്കുകയാണ്. രണ്ട് നീതിയാണ് കയ്യേറ്റം ഒഴിപ്പിക്കുന്ന കാര്യത്തില് നഗരസഭ പുലര്ത്തുന്നത്. മുനിസിപ്പല് ഭരണ സമതിയുടെ ഇഷ്ടക്കാരാണ് മങ്ങാട്ടുകവല പ്രൈവറ്റ് ബസ് സ്റ്റാന്റില് അനധികൃതമായി കച്ചവടം നടത്തുന്നത്. സ്വകാര്യ വാഹനങ്ങളും ക്രെയിനും ഈ ബസ് സ്റ്റാന്റില് ഇടുന്നതും നിരോധിക്കാന് നഗരസഭ സെക്രട്ടറിക്കും ഭരണസമിതിക്കും താല്പര്യമില്ല. തൊടുപുഴ പ്രൈവറ്റ് ബസ്റ്റാന്റിന്റെ വശങ്ങളിലായി ചെറിയ കച്ചവടം നടത്തി ഉപജീവനം നടത്തിയവരെ ഹൈക്കോടതിയില് വരെപ്പോയി ലക്ഷങ്ങള് ചെലവഴിച്ചാണ് ഒഴിപ്പിച്ചത്. 2014 രാജ്യത്ത് പാസാക്കിയ തെരുവോര കച്ചവട സംരക്ഷണ നിയമം നടപ്പിലാക്കാന് തൊടുപുഴ നഗരസഭ തയ്യാറായിട്ടില്ല. തെരുവോര കച്ചവടക്കാര്ക്ക് ലൈസന്സില്ലാത്തതിനാലാണ് ഒഴിപ്പിക്കല് നടപടി ആരംഭിച്ചത് എന്ന് നഗരസഭ പറയുമ്പോഴും തെരുവോര കച്ചവടക്കാര്ക്ക് ലൈസന്സ് നല്കാനുള്ള തെരുവോര കച്ചവട സമിതി രൂപീകരിക്കാന് നഗരസഭയ്ക്ക് കഴിഞ്ഞിട്ടില്ല. തെരുവോര കച്ചവട നിയമം ഈ നഗരസഭയ്ക്ക് ബാധകമല്ലെന്നാണ് മുനിസിപ്പല് സെക്രട്ടറിയുടെ നിലപാട്. ഇത് കൗണ്സിലില് ചര്ച്ചയ്ക്ക് വയ്ക്കാതെ സെക്രട്ടറി ഉദ്യോഗസ്ഥ ഭരണം നടത്തുകയാണെന്ന് ആക്ഷേപം ശക്തമാണ്. തെരുവോര കച്ചവട നിയമം ലംഘിച്ച നഗരസഭയുടെ നടപടിക്കെതിരെ ബിഎംഎസ് ഹൈക്കോടതിയില് നിയമ നടപടി തുടരും.
വഴിയോര കച്ചവടക്കാരോട് നഗരസഭയുടെ ഇരട്ട നീതി മങ്ങാട്ടുകവല ബസ് സ്റ്റാന്റിന് നടുക്ക് അനധികൃത കച്ചവടം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.