നാദാപുരം: കല്ലാച്ചി മാര്ക്കറ്റ് റോഡില് ടാക്സി ജീപ്പിനെ തടഞ്ഞു നിര്ത്താനുള്ള ബസ് ജീവനക്കാരുടെശ്രമം ഗതാഗതക്കുരുക്കില് കലാശിച്ചു. സംഭവം ഏറെ നേരം ബസ്ജീവനക്കാരും ടാക്സി തൊഴിലാളികളും തമ്മിലുള്ള വാക്കേറ്റത്തിനിടയാക്കി. ഇതോടെ ഇതുവഴിയുള്ള വണ് വേ സംവിധാനം താറുമാറായി . ഇന്നലെ വൈകിട്ട് നാലിനാണ് തിരക്കേറിയ മാര്ക്കറ്റു റോഡിലെ വണ്വേ ജംക്ഷനില് ബസ് ജീവനക്കാരുടെ നടപടി അര മണിക്കൂറിലധികം ഗതാഗതക്കുരിക്കിനിടയാക്കി. വളയത്തേക്കും വാണിമേലിലേക്കുമുള്ള ടാക്സി ജീപ്പ് സര്വീസ് നടത്തുന്ന റോഡാണ് തസ്സപ്പെട്ടത് .നിറയെ ആളുകളെ കയറ്റി വളയത്തേക്ക് ടാക്സി ജീപ്പ് പുറപ്പെടാനിരിക്കെയാണ് വളയത്തക്കുള്ള സ്വകാര്യ ബസ് ഈ ജംക്ഷനില് എത്തുന്നത്. റോഡ് ബ്ലോക്ക് ചെയ്തു ജീപ്പിനെ തടയാനുള്ള നീക്കത്തിനിടെ ഇവിടെ നിര്ത്തിയിട്ട ഓട്ടോയില് ബസ്സിന്റെ പിന്ഭാഗം കുരുങ്ങുകയായിരുന്നു. ഇതോടെ വളയം വാണിമേല് ഭാഗത്തേക്കുള്ള വാഹന ഗതാഗതം പൂര്ണ്ണമായും മണിക്കൂറുകളോളം നിലച്ചു. നാട്ടുകാരും ഡ്രൈവര്മാരും ചേര്ന്ന് ഓട്ടോ പൊക്കിയെടുത്തു മാറ്റിയതിന് ശേഷമാണ് ഈ വഴി ഗതാഗതം പുന:സ്ഥാപിച്ചത് . സംഭവം നടന്ന് മണിക്കൂറുകള് കഴിഞ്ഞിട്ടും പോലീസ് എത്താന് വൈകിയത് നാട്ടുകാരില് പ്രതിഷേധത്തിനിടയാക്കി.
ബസ് ജീവനക്കാരും ഓട്ടോ തൊഴിലാളികളും തമ്മില് തര്ക്കം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.