കോഴിക്കോട്: ജില്ലയില് മൂന്നിടങ്ങളില് ബിഡിജെഎസ് സ്ഥാനാര്ത്ഥികള് മത്സരിക്കും. കോഴിക്കോട് സൗത്ത്, തിരുവമ്പാടി, പേരാമ്പ്ര മണ്ഡലങ്ങളിലാണ് ബിഡിജെഎസ് സ്ഥാനാര്ത്ഥികള് മത്സരിക്കുന്നത്. കോഴിക്കോട് സൗ ത്തില് സതീഷ്കുറ്റിയിലും തിരുവമ്പാടിയില് ഗിരീഷ് പാമ്പനാലും, പേരാമ്പ്രയില് കെ.സുകുമാരന് നായരുമാണ് മത്സരിക്കുന്നത്.
പ്രമുഖ ചലച്ചിത്രനിര്മ്മാതാവും കേരള ഫിലിം എക്സിബിറ്റേഴ്സ് ഫെഡറേഷന് സംസ്ഥാന വൈസ്പ്രസിഡന്റുമായ സതീഷ് കുറ്റിയില് എസ്എന്ഡിപി, ചേവായൂര് ശാഖാ പ്രസിഡന്റാണ്. വടകര ജയഭാരത് തിയേറ്റര് ഉടമകൂടിയാണ് ഇദ്ദേഹം.
വടകരയിലെ ശ്രീനാരായണ പ്രസ്ഥാനത്തിന്റെ പ്രമുഖനും സോഷ്യലിസ്റ്റ് നേതാവുമായ കുറ്റിയില് നാരായണന്റെ മകനാണ് സതീഷ്. ജീവകാ രുണ്യ മേഖലയില് സജീവമായി പ്രവര്ത്തിച്ചുവരുന്ന ഇദ്ദേഹം വിവിധ സാമൂഹ്യസാംസ്കാരിക സംഘടനകളുടെ പ്രവര്ത്തകനുമാണ്. കോഴിക്കോട് ബാറിലെ അഭിഭാഷകയായ സൈറാ സതീഷാണ് ഭാര്യ. വിയന്നയില് എയറോസ്പേസ് എഞ്ചിനീയറിംഗില് റിസര്ച്ച് സയന്റിസ്റ്റായി പ്രവര്ത്തിക്കുന്ന ഡോ.ബ്രിട്ടോസതീഷ്, മെല്ബണില് എയ്റോസ്പേസ് മാസ്റ്റേഴ്സ് എഞ്ചിനീയറിംഗിന് പഠിക്കുന്ന ഷാരോസതീഷ് എന്നിവര് മക്കളാണ്.
മലബാര് നായര് സമാജം കൊയിലാണ്ടി താലൂക്ക് പ്രസിഡന്റും ഗ്ലോബല് നായര് സമാജം എക്സിക്യൂട്ടീവ് മെമ്പറുമായ കെ.സുകുമാരന് നായരാണ്പേരാമ്പ്രയില് മത്സരിക്കുന്നത്. ഇന്ത്യന് ആര്മിയില് നിന്നും സുബേദാറായി വിരമിച്ച ഇദ്ദേഹം എക്സ്സര്വീസ്മെന്, കീഴരിയൂര്, അരിക്കുളം പഞ്ചായത്ത് പ്രസിഡന്റ്, നേടേരി ലക്ഷ്മിനരസിംഹക്ഷേത്രകമ്മിറ്റി പ്രസിഡന്റ് തുടങ്ങിയ നിലകളില് പ്രവര്ത്തിക്കുന്നു. കൊയിലാണ്ടിയിലെ മുത്താമ്പിയിലാണ് താമസം ഭാര്യ പി.കെ. കമല(റിട്ട വ്യവസായവകുപ്പ്) മക്കള്: സുരേഷ്കുമാര്(ദുബൈ നാഷണല് ബാങ്ക് അബുദാബി). സിമി എസ് നായര്.
തിരുവമ്പാടിയില് മത്സരിക്കുന്ന ഗിരിപാമ്പനാല് ബിഡിജെഎസ് കോഴിക്കോട് ജില്ലാ പ്രസിഡന്റാണ്. എസ്എന്ഡിപി തിരുവമ്പാടി യൂണിയന് പ്രസിഡന്റും വിവിധ സംഘടനകളുടെ ഭാരവാഹിയുമാണ് മൈക്കാവ് മഹാവിഷ്ണുക്ഷേത്രത്തിന്റെ ആഭിമുഖ്യത്തില് നടത്തിയ സാമൂഹ്യ പ്രവര്ത്തനങ്ങളില് പങ്കാളിയായിരുന്നു. ജീവകാരുണ്യ പ്രവര്ത്തനങ്ങളിലും സജീവ സാന്നിധ്യമാണ്. മൈക്കാവിനടുത്തുള്ള ശാന്തിനഗറിലാണ് താമസിക്കുന്നത്.
