കേരള ഫോക്‌ലോര്‍ അക്കാദമിയില്‍ മാമ്പഴക്കാലം

കണ്ണൂര്‍: കേരള സര്‍ക്കാര്‍ സാംസ്‌കാരിക സ്ഥാപനങ്ങളായ വൈലോപ്പിള്ളി സംസ്‌കൃതി ഭവനും കേരള ഫോക്‌ലോര്‍ അക്കാദമിയും സംയുക്തമായി 10 മുതല്‍ 12-ാം ക്ലാസ്സുവരെ പഠിക്കുന്ന കുട്ടികള്‍ക്കായി സംഘടിപ്പിക്കുന്ന അവധിക്കാല കൂട്ടായ്‌മയായ ‘മാമ്പഴക്കാല’ത്തിലേക്ക് അപേക്ഷ ക്ഷണിച്ചു. മെയ് 1 മുതല്‍ 4 വരെ 4 ദിവസങ്ങളിലായി നടക്കുന്ന ക്യാമ്പില്‍ ഭാഷ, സംഗീതം, സാഹിത്യം, ചരിത്രം, കൃഷി, ചിത്രകല, കാര്‍ട്ടൂണ്‍, ശില്‍പ്പകല, ശാസ്ത്രം, നാടന്‍പാട്ടുകള്‍, നാടന്‍കളികള്‍, നാട്ടറിവുകള്‍, പരിസ്ഥിതി, സംസ്‌കാരത്തിന്റെ മറ്റ് മേഖലകള്‍ തുടങ്ങിയ വിഷയങ്ങളുമായി ബന്ധപ്പെട്ട പ്രവര്‍ത്തനങ്ങളും ക്ലാസ്സുകളും അതാത് മേഖലയിലെ വിദഗ്‌ദ്ധര്‍ അവതരിപ്പിക്കും. രജിസ്‌ട്രേഷന്‍ ഫീസ് 200/- രൂപ. തെരഞ്ഞെടുക്കപ്പെടുന്ന 50 കുട്ടികള്‍ക്ക് താമസവും ഭക്ഷണവും നല്‍കും. കണ്ണൂര്‍ ശിക്ഷക് സദനിലാണ് ക്യാമ്പ്. രക്ഷിതാക്കളുടെ സമ്മതപത്രവും അപേക്ഷയും 20 നകം സെക്രട്ടറി, കേരള ഫോക്‌ലോര്‍ അക്കാദമി, ചിറക്കല്‍.പി.ഒ, കണ്ണൂര്‍-11 എന്ന വിലാസത്തില്‍ ലഭിക്കണം. കൂടുതല്‍ വിവരങ്ങള്‍ 04972 778090, 9447394584 എന്നീ നമ്പറുകളില്‍ ബന്ധപ്പെട്ടാല്‍ ലഭിക്കും.