തലശ്ശേരി: ഗുജറാത്ത് കരകൗശല-കൈത്തി വസ്ത്രപ്രദര്ശനവും വില്പനയും തലശ്ശേരി ശാരദ കൃഷ്ണയ്യര് ഓഡിറ്റോറിയത്തില് ആരംഭിച്ചു. ഇതിന്റെ ഉദ്ഘാടനം തലശ്ശേരി സഹകരണ ബാങ്ക് പ്രസിഡണ്ട് പുഞ്ചയില്നാണു നിര്വ്വഹിച്ചു. ഗുജറാത്ത് എംപോറിയത്തിന്റെ ആഭിമുഖ്യത്തില് നടക്കുന്ന പ്രദര്ശനത്തില് ഒമ്പത് സംസ്ഥാനങ്ങളിലെ കരകൗശല ഉല്പന്നങ്ങളാണ് ഒരുക്കിയിട്ടുള്ളത്. ഇതില് ലോക പ്രശസ്തമായ ഇന്ത്യന് ടസ്സര് സില്ക്ക് സാരികളും, മൃഗ സില്ക് സാരികളും കൊച്ചിയിലെ ഗുജറാത്ത് എംപോറിയം ഇവിടെ എത്തിച്ചിട്ടുണ്ട്. കഴിഞ്ഞ 19 വര്ഷമായി നടത്തിവരുന്ന ഗുജറാത്ത് എംപോറിയത്തിന്റെ എക്സിബിഷന് മുഴുവന് കസ്റ്റമേഴ്സിന്റെയും വിശ്വാസമാര്ജ്ജിക്കാന് കഴിഞ്ഞിട്ടുള്ളതായി മാനേജര് കെ.അരുണാചലം പറഞ്ഞു. 10രൂപ മുതല് 10,000 രൂപവരെ വിലമതിക്കുന്ന വസ്തുക്കള് ഈ പ്രദര്ശന നഗരിയില് ഒരുക്കിയിട്ടുണ്ട്.
സില്ക്ക്, ലിനന്, കോട്ടണ് സാരികള് ഉല്പ്പെടെ വ്യത്യസ്തങ്ങളായ വസ്ത്ര കരകൗശലങ്ങളും വിവിധതരത്തിലുള്ള ആഭരണങ്ങളും ജനങ്ങളെ ആകര്ഷിച്ചുവരുന്നുണ്ട്. ടസ്സര്, മൃഗ സാരികള്ക്ക് പുറമെ റോസില്ക്ക്, ഗിച്ചസില്ക്ക്, ലിനന് സാരി ഡ്രസ്സ് മെറ്റീരിയലുകളും പ്രീഷ്യസ്, സെമി പ്രഷ്യസ് സ്റ്റോണിലുള്ള ജയ്പൂരിയന് മാലകള്, കമ്മലുകള് ലോക്കറുകള് തുടങ്ങി ലേഡീസ് ബാഗുകളും ലതര് പേഴ്സുകളും ഉള്പ്പെടെ ആയിരിക്കണക്കിന് സാധനങ്ങളാണ് പ്രദര്ശന നഗരയിലുള്ളത്. ഹാന്റ് ലൂം തുണിത്തരങ്ങള്ക്ക് 20 ശതമാനവും ഹാന്റി ക്രാഫ്റ്റ് ഉല്പന്നങ്ങള്ക്ക് 10ശതമാനം ഗവണ്മെന്റ് റിബേറ്റും പ്രദര്ശനത്തില്ലഭ്യമാണെന്നും മാനേജര് കെ.അരുണാചലം അറിയിച്ചു.
