കോഴിക്കോട്: നിയമസഭാ തെരഞ്ഞെടുപ്പില് മത്സരിക്കുന്ന സ്ഥാനാര്ത്ഥികള് തെരഞ്ഞെടുപ്പ് ചെലവ് നടത്തുന്നതിനു മാത്രമായി ദേശസാല്കൃത ബാങ്കിനു പുറമെ സഹകരണ ബാങ്കിലും പോസ്റ്റോഫീസിലും അക്കൗണ്ട് തുറക്കാമെന്ന് ജില്ലാ തെരഞ്ഞെടുപ്പ് ഓഫീസറായ ജില്ലാ കലക്ടര് എന്. പ്രശാന്ത് അറിയിച്ചു. സ്ഥാനാര്ഥിയുടെ സ്വന്തംപേരിലോ സ്ഥാനാര്ഥിയുടേയും ഇലക്ഷന് ഏജന്റിന്റേയും ജോയന്റ് അക്കൗണ്ടായോ തുടങ്ങാവുന്നതാണ്. തെരഞ്ഞെടുപ്പ് സംബന്ധമായ എല്ലാ വരവു ചെലവുകളും ഈ അക്കൗണ്ടിലൂടെ മാത്രമേ നിര്വഹിക്കാവൂ. ബാങ്കിടപാടുകള് ക്രോസ്ഡ് അക്കൗണ്ട്പെയീ ചെക്ക,് ഡിമാന്റ് ഡ്രാഫ്റ്റ്, ആര്.ടി.ജി.എസ്, നെഫ്റ്റ് എന്നിവ മുഖേന മാത്രമേ നടത്താവൂ എന്നും ജില്ലാ കലക്ടര് അറിയിച്ചു. നാമനിര്ദേശപത്രിക സമര്പ്പണത്തിനു മുമ്പ് തയ്യാറാക്കിയ പ്രചാരണ സാമഗ്രികള്, അവയില് നിന്ന് തിരഞ്ഞെടുപ്പിനായി നോമിനേഷന് ശേഷം ഉപയോഗിക്കുന്നവ എന്നിവ തിരഞ്ഞെടുപ്പ് ചെലവുമായി ബന്ധപ്പെട്ട അക്കൗണ്ട് രജിസ്റ്ററുകളില് രേഖപ്പെടുത്തണമെന്നും ജില്ലാ കലക്ടര് വ്യക്തമാക്കി.
തെരഞ്ഞെടുപ്പ് ചെലവ്: സഹകരണ ബാങ്കിലും പോസ്റ്റോഫീസിലും അക്കൗണ്ട് തുറക്കാം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.