കട്ടപ്പന: ഇടുക്കി സീറ്റ് പിടിക്കാന്‍ എന്‍ഡിഎ രംഗത്തിറക്കിയിരിക്കുന്നത് ബിഡിജെഎസ് നേതാവ് ബിജുമാധവനെ. ബിജെപിക്ക് കഴിഞ്ഞ തദ്ദേശ സ്വയംഭരണ തെരഞ്ഞെടുപ്പില്‍ ഏറെ മുന്നേറ്റം ഇടുക്കിയില്‍ നടത്തായായി. കട്ടപ്പന നഗരസഭയില്‍ കന്നിവിജയം നേതാടാനും കഴിഞ്ഞു. ബിജെപിയുടെ സംഘടന സംവിധാനത്തിലുണ്ടായ മുന്നേറ്റവും പ്രതീക്ഷയേറുന്നു. ഇടുക്കി തടിയംപാട് തൊട്ടിയില്‍ ടി.കെ മാധവന്‍ തങ്കമ്മ ദമ്പതികളുടെ മകനായി കര്‍ഷക കുടുംബത്തില്‍ ജനിച്ച ബിജു മാധവന്‍ ഇപ്പോള്‍ കട്ടപ്പനയിലാണ് താമസിക്കുന്നത്.അറിയപ്പെടുന്ന വ്യവസായി ആയ ഇദ്ദേഹം 18 വര്‍ഷമായി വ്യാപാരി വ്യവസായി ഏകോപന സമിതി അംഗം, ഹൈറേഞ്ച് മോട്ടോര്‍ തൊഴിലാളി അസ്സോസിയേഷന്‍ വൈസ് പ്രസിഡന്റ്,മലനാട് സോഷ്യല്‍ വെല്‍ഫെയര്‍ കോഓപ്പറേറ്റീവ് സൊസൈറ്റി പ്രസിഡന്റ്,കട്ടപ്പന സരസ്വതീ വിദ്യാപീഠം സ്‌കൂള്‍ ഭരണ സമിതി അംഗം, മലനാട് എസ്.എന്‍.ഡി.പി യൂണിയന്‍ പ്രസിഡന്റ് എന്നീ നിലകളില്‍ പ്രവര്‍ത്തിക്കുന്നു.രാഷ്‌ട്രീയത്തിന് അതീതമായ ബന്ധങ്ങള്‍ തനിക്ക് അനുകൂലമാകുമെന്ന പ്രതീക്ഷയിലാണ് ഇദ്ദേഹം.വിവിധ സംഘടനകളില്‍ പ്രവര്‍ത്തിച്ചിട്ടുള്ള വ്യക്തി എന്ന നിലയിലും സാമുദായിക രാഷ്‌ട്രീയ ചിന്തകള്‍ക്കതീതമായി ഇടുക്കികാരന്‍ എന്ന പരിഗണനയും കണക്കിലെടുത്ത് ഇവിടുത്തെ നല്ലവരായ ജനങ്ങള്‍ തനിക്ക് ഒരവസരം തരും എന്ന ഉറച്ച വിശ്വാസം ഇദ്ദേഹത്തിനുണ്ട്.ജന്മം കൊണ്ട നാടിന്റെ ടൂറിസം ഉള്‍പ്പെടെയുള്ള സമഗ്രവികസനത്തിനും യുവാക്കളുടെ തൊഴിലവരത്തിനും,മലയോര മേഖലയിലെ ഭൂപ്രശ്‌നങ്ങള്‍ക്ക് ശാശ്വത പരിഹാരം തേടുന്നതിനുമായിരിക്കും തന്റെ പ്രവര്‍ത്തനമെന്ന് അദ്ദേഹം പറഞ്ഞു.ഭാര്യ: ബിനു ബിജു,മക്കള്‍: ഗോകുല്‍,ഗായത്രി.മണ്ഡലത്തിലെ പ്രധാനപ്പെട്ട പ്രവര്‍ത്തകെ നേരില്‍ കണ്ട് വോട്ട് അഭ്യര്‍ത്ഥിക്കാന്‍ ഇദ്ദേഹം തുടങ്ങിയിട്ടുണ്ട്. ഇടതുപക്ഷത്തും വലതുപക്ഷത്തും നില്‍ക്കുന്ന കേരള കോണ്‍ഗ്രസുകളോടാണ് ബിജുമാധവന്‍ ഏറ്റുമുട്ടുന്നത്‌
ഇടുക്കി പിടിക്കാന്‍ എന്‍ഡിഎ
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.