പിലാത്തറ: ചേനവട, ചേനപ്പായസം, ചേമ്പ് ചിപ്സ് തുടങ്ങിയ ഭക്ഷ്യവിഭവങ്ങള് മുതല് രാഗഖാണ്ഡവം, രസളപാനകം തുടങ്ങിയ ആയുര്വേദ പാനീയങ്ങള് വരെ ഉണ്ടാക്കുന്ന പരിശീലനക്കളരി വേറിട്ട അനുഭവമായി. സ്പെയിസ് ഏഴിലോട് ഒരുക്കുന്ന തനത് ഭക്ഷ്യവൈവിധ്യമേള 2016 ന്റെ ഭാഗമായി പുറച്ചേരി കേശവതീരം ആയുര്വേദ ഗ്രാമത്തിലാണ് വിഭവ നിര്മാണ പരിശീലനം നടന്നത്.
പഴംപായസം, കാച്ചല് ഉപ്പുമാവ്, മധുരക്കിഴങ്ങ്, ഉപ്പുമാവ് തുടങ്ങി 15ല്പ്പരം വിഭവങ്ങളുടെ നിര്മാണരീതി പ്രദര്ശിപ്പിച്ചു. അജിതകുമാരി വിജയന് നേതൃത്വം നല്കി. പരിശീലനക്കളരി കുഞ്ഞിമംഗലം പഞ്ചായത്ത് പ്രസിഡണ്ട് എം.കുഞ്ഞിരാമന് ഉദ്ഘാടനം ചെയ്തു. ഫാ.സന്തോഷ് പരിയാരം, വി.സി.വിജയന്, ടി.എസ്.രവീന്ദ്രന്, വെദിരമന വിഷ്ണു നമ്പൂതിരി, പി.പി.രാജന് എടാട്ട് എന്നിവര് സംസാരിച്ചു. ഏപ്രില് 8 മുതല് 10 വരെ ഏഴിലോട് ദേശീയപാതയില് പ്രത്യേകം ഒരുക്കുന്ന പവലിയനിലെ തനത് ഭക്ഷ്യവൈവിധ്യമേളയിലെ ഫുഡ്കോര്ട്ടില് തനത് വിഭവങ്ങള് ഉണ്ടാകും.
