തൊടുപുഴ: മുതലക്കോടത്ത് ട്രാഫിക് പോലീസെത്തി. നഗരത്തിലെ തിരക്കേറിയ ഇടങ്ങളിലൊന്നായ ഇവിടം ഗതാഗത കുരുക്കില്പ്പെട്ട് വീര്പ്പുമുട്ടുന്നതായി കഴിഞ്ഞമാസം അവസാനം ജന്മഭൂമി റിപ്പോര്ട്ട് ചെയ്തിരുന്നു. ഇത് ശ്രദ്ധയില്പ്പെട്ട തൊടുപുഴ ട്രാഫിക് എസ്ഐ പിആര് സജീവന് സംഭവത്തിലിടപെടുകയും ഉന്നത ഉദ്യോഗസ്ഥരെ വിവരമറിയിക്കുകയുമായിരുന്നു. തുടര്ന്ന് ജില്ലാ പോലീസ് മേധാവി കെ വി ജോസഫിന്റെ നിര്ദേശ പ്രകാരമാണ് ഇവിടെ ഡ്യൂട്ടിയ്ക്ക് ഒരു പോലീസുകാരനെ കഴിഞ്ഞദിവസം മുതല് നിയമിച്ചത്. രാവിലെയും വൈകുന്നേരവും ഇനി മുതല് പോലീസ് ഡ്യൂട്ടിയിലുണ്ടാവുമെന്ന് ട്രാഫിക് എസ്ഐ പറഞ്ഞു. എല്പി മുതല് ഹയര്സെക്കന്ററി വരെ നാല് സ്കൂളുകള് പ്രവര്ത്തിക്കുന്ന മുതലക്കോടത്ത് ഗതാഗതം നിയന്ത്രിക്കാന് ട്രാഫിക് പോലീസ് ഇല്ലാതിരുന്നത് ഏറേ പ്രശ്നങ്ങള്ക്കും കുരുക്കിനും വഴിവച്ചിരുന്നു. കുറച്ചുകാലം മുന്പ് വരെ ഇവിടെ ഡ്യൂട്ടിക്ക് ആളുണ്ടായിരുന്നെങ്കിലും പിന്നീട് മറ്റ് സ്ഥലങ്ങളിലേക്ക് ഡ്യൂട്ടി മാറ്റുകയായിരുന്നു. ട്രാഫിക് പോലീസുകാരുടെ കുറവുമൂലമാണ് നഗരത്തില് വിവിധ ഇടങ്ങളില് പോലീസുകാരെ ഡ്യൂട്ടിക്ക ഇടാത്തത് എന്നാണ് അധികൃതര് നല്കുന്ന വിശദീകരണം. പ്രശ്ന പരിഹാരത്തിനായി ശ്രമിച്ച് വരികയാണെന്നും ഇവര് പറയുന്നു.
ജന്മഭൂമി വാര്ത്ത തുണച്ചു: മുതലക്കോടത്ത് ട്രാഫിക് പോലീസെത്തി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.