ഇരിട്ടി: ഉളിക്കല് മണിപ്പാറ ആനറ ശ്രീ വട്ടത്തറ ദേവീ സുബ്രഹ്മണ്യ സ്വാമി ക്ഷേത്രത്തില് നടന്നുവന്ന ശ്രീമദ് ദേവീ ഭാഗവത നവാഹം സമൂഹ ചണ്ഡികാ ഹോമത്തോടെ സമാപിച്ചു. കഴിഞ്ഞ 12മുതല് നടന്ന ദേവീ ഭാഗവത നവാഹത്തിന് ഭാഗവത വാചസ്പതി കെ.കെ.ചൂളിയാട് കാര്മ്മികത്വം വഹിച്ചു. വിജയന് വയത്തൂര് ഭാഗവത പാരായണ കര്മ്മം നിര്വഹിച്ചു. സമാപന ദിവസമായ ഞായറാഴ്ച നടന്ന മഹാ ചണ്ഡികാ ഹോമത്തിനു സ്വാമി പ്രഭാകരാനന്ദ പാലക്കട് മുഖ്യ കാര്മ്മികത്വം വഹിച്ചു.
ഉളിക്കല് മണിക്കടവില് ഉളിക്കല് പയ്യാവൂര് പഞ്ചായത്തിന്റെ അതിര്ത്തിയോട് ചേര്ന്ന് കുന്നിന് മുകളില് പ്രകൃതി മനോഹരമായ സ്ഥലത്താണ് ഈ ക്ഷേത്രം സ്ഥിതി ചെയ്യുന്നത്. കേരളത്തിന്റെ വനാതിര്ത്തി അതിരിടുന്ന ക്ഷേത്രത്തില് ഒരു കിലോമീറ്ററോളം കുത്തനെയുള്ള കയറ്റമാണ്. നടന്നോ ജീപ്പ് പോലുള്ള വാഹനമോ ഉപയോഗിച്ചേ ഇവിടെ എത്തിച്ചേരാനാവു. .
