കണ്ണൂര്‍: ജില്ലയില്‍ നിന്നും പ്രസിദ്ധീകരിക്കുന്ന ആര്‍എന്‍ഐ രജിസ്‌ട്രേഷനുളളതും കഴിഞ്ഞ അഞ്ചുവര്‍ഷമായി വാര്‍ഷിക കണക്ക്‌ നല്‍കാത്തതുമായ പ്രസിദ്ധീകരണത്തിന്റെ തല്‍സ്ഥിതി, ഒടുവില്‍ സമര്‍പ്പിച്ച റിട്ടേണ്‍സിന്റെ പകര്‍പ്പ്‌ തുടങ്ങിയ വിവരങ്ങള്‍ ഇന്‍ഫര്‍മേഷന്‍ പബ്ലിക്‌ റിലേഷന്‍സ്‌ വകുപ്പ്‌ മേഖലാ ഡെപ്യൂട്ടി ഡയറക്‌ടര്‍ ഓഫീസില്‍ 14 നകം ലഭ്യമാക്കണം. 1957 നും 61 നും ഇടയില്‍ ജില്ലയില്‍ നിന്നും പ്രസിദ്ധീകരണം ആരംഭിച്ച മാധ്യമങ്ങളെ സംബന്ധിച്ച വിവരമാണ്‌ ആദ്യഘട്ടത്തില്‍ ശേഖരിക്കുന്നത്‌. പ്രസിദ്ധീകരണം നിലവിലുണ്ടെങ്കില്‍ മേല്‍വിലാസം, പ്രസാധകന്‍, എഡിറ്റര്‍, അച്ചടിക്കുന്നസ്ഥലം എന്നീ വിവരങ്ങളാണ്‌ ലഭ്യമാക്കേണ്ടത്‌. ആര്‍എന്‍ഐ രജിസ്‌ട്രേഷന്‍ ഉണ്ടായിട്ടും ദീര്‍ഘനാളായി പ്രസിദ്ധീകരണ വിശദാംശങ്ങള്‍ ലഭ്യമാക്കാത്ത സ്ഥാപനങ്ങള്‍ സംബന്ധിച്ച്‌ ദേശീയ ന്യൂസ്‌ പേപ്പര്‍ രജിസ്‌ട്രാര്‍ നടത്തുന്ന വിവര ശേഖരണത്തിന്റെ ഭാഗമായാണ്‌ നടപടി. 2015 മാര്‍ച്ചിലെ കണക്കുപ്രകാരം രാജ്യത്ത്‌ 1,05,443 പ്രസിദ്ധീകരണങ്ങള്‍ ആര്‍എന്‍ഐയില്‍ രജിസ്റ്റര്‍ ചെയ്‌തിട്ടുണ്ടെങ്കിലും ഇതില്‍ 20 ശതമാനം പോലും ചട്ടപ്രകാരം വാര്‍ഷിക കണക്കുകള്‍ സമര്‍പ്പിക്കുന്നില്ല. സുദര്‍ശനം, ജനമുന്നണി ദിനപത്രങ്ങള്‍ ദേശമിത്രം, പുതുയുഗം വാരികകള്‍, കേരളമിഷന്‍, നവപ്രഭ, സാരഗ്രാഹി മാസികകള്‍, ശില്‍പികാഹളം, സമത്വവാദി ദൈ്വവാരികകള്‍, ഗവ.ബ്രണ്ണന്‍ കോളേജ്‌ മാഗസിന്‍ എന്നീ പ്രസിദ്ധീകരണങ്ങളുമായി ബന്ധപ്പെട്ടവരാണ്‌ വിവരങ്ങള്‍ നല്‍കേണ്ടത്‌.
പ്രസിദ്ധീകരണങ്ങളുടെ തല്‍സ്ഥിതി ലഭ്യമാക്കണം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.