കോഴിക്കോട്: വോട്ടര്പട്ടിക ശുദ്ധീകരണത്തിന്റെ ഭാഗമായി ഓണ്ലൈന് അപേക്ഷകള് തീര്പ്പാക്കുന്ന നടപടിക്രമങ്ങള്ക്ക് തുടക്കം. ഇരട്ടിപ്പുകള്, മരിച്ചവരുടെ പേരുകള് എന്നിവ പട്ടികയില് നിന്നു നീക്കം ചെയ്തു കഴിഞ്ഞു. ജനുവരി 14ന് വോട്ടര് പട്ടിക പ്രസിദ്ധീകരിച്ചതിനു ശേഷം ലഭിച്ച ഓണ്ലൈന് അപേക്ഷകളില് തീര്പ്പുകല്പിക്കുന്ന ജോലിയാണ് പുരോഗമിക്കുന്നത്. ജില്ലയിലെ നാല് റിട്ടേണിംഗ് ഓഫീസുകളും 1886 ബൂത്ത്ലെവല് ഓഫീസര്മാരുമാണ് ഇതുമായി ബന്ധപ്പെട്ട പ്രവര്ത്തനങ്ങളില് മുഴുകിയിരിക്കുന്നത്.
നോര്ത്ത് മണ്ഡലത്തിലെ 142 പോൡഗ് സ്റ്റേഷനുകളില് ഉപയോഗിക്കുക വിവിപാറ്റ് (വ്യൂവര് വെരിഫൈഡ് പേപ്പര് ഓഡിറ്റ് ട്രയല്) മെഷീനുകള് ജില്ലയിലെത്തിയിട്ടുണ്ട്. ഇവയുടെ ആദ്യഘട്ട പരിശോധ ഇന്ന് നടക്കും. റിട്ടേണിംഗ് ഓഫീസര്മാര്, ജില്ലാ പോലീസ് മേധാവികള്, ട്രാന്സ്പോര്ട്ട് ഓഫീസര്മാര്, ഇലക്ഷന് റിട്ടേണിംഗ് ഓഫീസര്മാര് എന്നിവരുടെ പ്രാഥമിക യോഗം ചേര്ന്ന് തെരഞ്ഞെടുപ്പ് നടപടികള് വിലയിരുത്തി. റിട്ടേണിംഗ് ഓഫീസര്മാര് പോളിംഗ് സ്റ്റേഷനുകള് പരിശോധന നടത്തി സൗകര്യങ്ങള് വിലയിരുത്തുന്ന നടപടിയും തുടങ്ങിക്കഴിഞ്ഞു.
സുതാര്യമായ തെരഞ്ഞെടുപ്പ് ഉറപ്പാക്കുന്നതിനായി ഇപരിഹാരം, ഇഅനുമതി, ഇവാഹനം എന്നീ മൂന്നുലിങ്കുകളിലായാണ് ഐടി ആപ്ലിക്കേഷനുമായി ബന്ധപ്പെട്ട സൗകര്യങ്ങള് സജ്ജമാക്കിയിരിക്കുന്നത്. പരാതി പരിഹാരം, സ്ഥാനാര്ഥികള്ക്കുള്ള വാഹനാനുമതി എന്നിവയടക്കമുള്ള കാര്യങ്ങളാണ് ഇതുവഴി സാധ്യമാകുക. ഇതുമായി ബന്ധപ്പെട്ട പരിശീലനം റിട്ടേണിംഗ് ഓഫീസര്മാര്, അസിസ്റ്റന്റ് റിട്ടേണിംഗ് ഓഫീസര്മാര്, പോലീസ്, ആര്ടിഒ, ഇആര്ഒ ഓഫീസുകളിലെ ഉദ്യോഗസ്ഥര് എന്നിവര്ക്കു നല്കി. വെസ്റ്റ്ഹില് ഗവ. എന്ജിനീയറിംഗ് കോളജില് നടന്ന പരിശീലനക്ലാസ് ജില്ലാകളക്ടര് എന്. പ്രശാന്ത് ഉദ്ഘാടനം ചെയ്തു. ഇലക്ഷന് ഡെപ്യൂട്ടി കളക്ടര് എസ്. വിജയന്അധ്യക്ഷത വഹിച്ചു. കെല്ട്രോണ് പ്രോഗ്രാമര് അഖില്, ജില്ലാ പ്രോഗ്രാമര് ഇ.എം. ജിജു, ജില്ലാ നോഡല് ഓഫീസര് ശ്രീകുമാര് എന്നിവര് പരിശീലനക്ലാസിനു നേതൃത്വം നല്കി.
