കണ്ണൂര്: സംസ്ഥാനത്തെ മികച്ച ലൈബ്രറിക്കുള്ള ഐ.വി.ദാസ് പുരസ്കാരത്തിന് തിരുവനന്തപുരം പൂജപ്പുര യുവജന സമാജം ഗ്രന്ഥശാല അര്ഹരായി.
കണ്ണൂര് ജില്ലാ ലൈബ്രറി കൗണ്സിലാണ് ഇരുപത്തി അയ്യായിരം രൂപയുടെ പുസ്തകവും പ്രശസ്തി പത്രവും അടങ്ങുന്ന പുരസ്കാരം നല്കുന്നത്. 1949ല് സ്ഥാപിച്ചതാണ് പൂജപ്പുര യുവജന സമാജം ഗ്രന്ഥശാല. 22392 പുസ്തകങ്ങളും 770 അംഗങ്ങലുമുള്ള റഫറന്സ് ലൈബ്രറിയാണിത്. വനിതാ പുസ്തക വിതരണ പദ്ധതി, കരിയര് ഗൈഡന്സ് സെന്റര്, ബാലവേദി, വനിതാ വേദി, ഫിലീം സൊസൈറ്റി, ജീവകാരുണ്യ പ്രവര്ത്തനം, നഴ്സറി സ്കൂള്, സാഹിത്യ വേദി, അക്ഷര കൂട്ടായ്മ എന്നിവ സംഘടിപ്പിക്കുന്നുണ്ട്. ഫോണ് ഇന് ലൈബ്രറി എന്ന ആശയത്തിലൂടെ വായനക്കാര് ആവശ്യമുള്ള പുസ്തകം ഫോണ് വഴി അറിയിച്ച് കഴിഞ്ഞാല് വീട്ടിലെത്തിക്കുന്ന നീതന പരിപാടി ലൈബ്രറിയില് ആരംഭിച്ചിട്ടുണ്ട്. വായനശാലയുടെ പ്രവര്ത്തനം ഉള്പ്പെടുത്തി ഗ്രന്ഥവാണി ത്രൈമാസിക പ്രസിദ്ധീകരിക്കുന്നുണ്ട്.
വിവിധ മേഖലകളിലെ കഴിവ് തെളിയിച്ചവര്ക്ക് ശ്രേഷ്ഠ ഭാഷ പുരസ്കാരം, ഗ്രന്ഥശ്രി പുരസ്കാരം, ഗ്രന്ഥശ്രേഷ്ഠാ പുരസ്കാരം എന്നി ലൈബ്രറി വിതരണം ചെയ്യുന്നുണ്ട്. അഞ്ച് ജീവനക്കാര് ലൈബ്രറിയില് സേവനം ചെയ്യുന്നുണ്ട്. പൂജപ്പുര സോമന് നായര് പ്രസിഡന്റും ജി രാധാകൃഷ്ണന് സെക്രട്ടറിയുമായ കമ്മിറ്റിയാണ് പ്രവര്ത്തനങ്ങള്ക്ക് നേതൃത്വം നല്കുന്നത്. 9ന് കണ്ണൂരില് നടക്കുന്ന പുസ്തകോല്സവ സമാപന വേദിയില് വെച്ച് പുരസ്കാരം വിതരണം ചെയ്യും.
