വികസിക്കാനുള്ളതൊക്കെ ഉമ്മന് ചാണ്ടി സര്ക്കാര് വികസിപ്പിച്ചു കഴിഞ്ഞു. ഇനി അല്ലറ ചില്ലറയേയുള്ളൂ.അതില് ചിലതൊക്കെ പണി നടക്കുന്നു, ബാക്കിയുള്ളവ ഉദ്ഘാടനം ചെയ്തുകഴിയാറായി. ഇനി ഏതാനും ഉദ്ഘാടനങ്ങള് മാത്രമേ ബാക്കിയുള്ളൂ. അത് ഉടനേ നടക്കും. വേറൊരു ഗവണ്മെന്റിന്റെ ആവശ്യം ഇനി കേരളത്തിന് വേണമെന്ന് തോന്നുന്നില്ല.പിന്നെ, നിങ്ങള്ക്ക് ഒരു അവസരം തരാം.
അതായത്, ഈ സര്ക്കാരുകളൊക്കെ വന്നെങ്കിലും നമ്മുടെ തലസ്ഥാനമായ തിരുവനന്തപുരത്തിന് അര്ഹമായ പരിഗണന ഒരു സര്ക്കാരും കൊടുത്തിട്ടില്ല. പിന്നെ, ഇതുവരെ എന്തെങ്കിലുമൊക്കെ കിട്ടിയിട്ടുണ്ടെങ്കില് അത് വെറുതെയല്ല, വാകീറിക്കെടന്ന് നിലവിളിച്ചിട്ടാണ്. ഇവിടെ രാജാക്കന്മാരുടെ ഭരണകാലത്ത് നിര്മ്മിച്ചിട്ടുള്ളതേ ഇപ്പോഴും സത്യത്തില് പേരെടുത്ത് പറയത്തക്കതായി ഉള്ളൂ. എന്തിനേറെ പറയുന്നു, ഇവന്മാര് കയറിനിരങ്ങുന്ന സെക്രട്ടറിയേറ്റ് പോലും രാജാവിന്റെ അദ്ധ്വാനത്തിന്റെ ഫലമാണ്. രാജാവിനുശേഷം വന്നവര്ക്കൊക്കെ പ്രിയം കേരളത്തിലെ മറ്റൊരു നഗരത്തോടാണ്, ഇപ്പോഴും.
എല്ലാം ആദ്യം അവിടെത്തന്നെ വരണമെന്ന് വാശിപിടിക്കുന്നു.രാജഭരണം എന്ന് അവസാനിച്ചോ അന്ന് തുടങ്ങി അനന്തപുരിയുടെ പിന്നോക്കം പാച്ചില്. പണ്ട് ബ്രിട്ടീഷുകാര് ഇന്ത്യ ഭരിച്ചിട്ട് ഇവിടെയുള്ള സ്വത്തൊക്കെ അവരുടെ രാജ്യത്തേക്ക് കടത്തിയ പോലെയാണ് ഇവന്മാരുടെ കാര്യവും. ഫലമോ,അവന്മാരുടെ നാട് ഇപ്പോള് സമ്പന്നവും നമ്മുടെ നാട് ദരിദ്രവും, കൂടെ നമ്മുടെ നാടിനെ പരമാവധി തരംതാഴ്ത്തിപ്പറയുകയും ചെയ്യുക. അതാണ് ഇവിടെയും സംഭവിച്ചത്, സംഭവിച്ചുകൊണ്ടിരിക്കുന്നത്. ഇനിയെങ്കിലും ആ കാഴ്ച്ചപ്പാടും കൊള്ളയടിയും പാടില്ല. അതിന് ഞങ്ങള് സമ്മതിക്കില്ല.നിങ്ങള്ക്ക് അതിന് കഴിയും എന്ന് വിശ്വസിക്കുന്നു.മാത്രമല്ല, കേരളം എന്നുപറയുന്ന സംസ്ഥാനത്ത് വയനാട്, ഇടുക്കി, പത്തനംതിട്ട, കാസര്ഗോഡ് എന്ന ചില ജില്ലകള് ഉള്ളതായും ഈ അവസരത്തില് ഓര്മ്മിപ്പിക്കട്ടെ.
രജിത്ത് എസ് ചാക്ക
