കണ്ണൂര്‍: ജില്ലയില്‍ സമ്പൂര്‍ണ്ണ നിയമ സാക്ഷരത അടക്കമുളള നിയമ സേവനങ്ങള്‍ മുഴുവന്‍ ജനങ്ങളിലും എത്തിക്കാനുളള പദ്ധതിക്ക് ജില്ലാ ലീഗല്‍ സര്‍വ്വീസസ് അതോറിറ്റി തുടക്കം കുറിക്കുന്നു. ആദ്യ ഘട്ടത്തില്‍ തലശ്ശേരി താലൂക്കിലാണ് പദ്ധതി നടപ്പാക്കുന്നത്. അതിനായി തലശ്ശേരി താലൂക്കിലെ മുഴുവന്‍ മുനിസിപ്പാലിറ്റികളിലും, ഗ്രാമപഞ്ചായത്തുകളിലും വാര്‍ഡുതലത്തില്‍ നിയമജ്യോതി എന്ന പേരില്‍ കമ്മിറ്റികള്‍ രൂപീകരിക്കും. നിയമ ജ്യോതിയുടെ നേതൃത്വത്തില്‍ വാര്‍ഡില്‍ സമ്പൂര്‍ണ്ണ നിയമ സാക്ഷരത കൈവരിക്കാന്‍ തുടര്‍ച്ചയായി നിയമ ബോധവല്‍ക്കരണ ക്ലാസുകള്‍ സംഘടിപ്പിക്കും. കൂടാതെ സൗജന്യ നിയമ സഹായം, പ്രാദേശിക തലത്തിലുളള ലോക് അദാലത്തുകള്‍ തുടങ്ങിയവയും നിയമ ജ്യോതിയിലൂടെ ജനങ്ങള്‍ക്ക് ലഭ്യമാവും. നിയമ മേഖലയുടെ സഹായത്തോടെ പരിഹരിക്കാന്‍ കഴിയുന്ന സാമൂഹ്യ പ്രശ്‌നങ്ങളില്‍ നിയമ ജ്യോതിക്ക് ഇടപെടാന്‍ കഴിയും. കൂത്തുപറമ്പ് നഗരസഭയില്‍ വാര്‍ഡ്തല സമിതികള്‍ രൂപീകരിച്ചു. പദ്ധതിയുടെ ഉദ്ഘാടനം ഇന്ന് പകല്‍ 2.30 ന് കൂത്തുപറമ്പ് ടൗണ്‍ ഹാളില്‍ അഡീഷണല്‍ ജില്ലാ ജഡ്ജി കെ.ബൈജുനാഥ് നിര്‍വ്വഹിക്കും.
നിയമ സേവനങ്ങള്‍ ജനങ്ങളിലെത്തിക്കുന്നു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.