മട്ടന്നൂര്: അടിയന്തിരാവസ്ഥ സമര സേനാനികളുടെ സമാദരണവും അനുസ്മരണവും 13ന് മട്ടന്നൂരില് നടക്കും. രാവിലെ 10മണിക്ക് മട്ടന്നൂര് ശ്രീ മഹാദേവഹാളില് നടക്കുന്ന പരിപാടി രാഷ്ട്രീയ സ്വയംസേവക സംഘം കണ്ണൂര് വിഭാഗ് സംഘചാലക് സി.ചന്ദ്രശേഖരന് ഉദ്ഘാടനം ചെയ്യും. ദേശീയ അധ്യാപക പരിഷത്ത് സംസ്ഥാന വൈസ് പ്രസിഡണ്ട് സി.സദാനന്ദന് മാസ്റ്റര് പ്രഭാഷണം നടത്തും. കെ.ഹരീന്ദ്രനാഥന് അധ്യക്ഷത വഹിക്കും. 11.30ന് പെന്ഷനേഴ്സ് സംഘ് ജില്ലാ പ്രസിഡണ്ട് കെ.എന്.നാരായണന് ‘ജനാധിപത്യ ഭാരതം വിറങ്ങലിച്ച ദിനങ്ങള്’ എന്ന വിഷയത്തില് പ്രഭാഷം നടത്തും. ബിജെപി മട്ടന്നൂര് നിയോജകമണ്ഡലം പ്രസിഡണ്ട് സി.വി.വിജയന്മാസ്റ്റര് അധ്യക്ഷത വഹിക്കും. ഉച്ചയ്ക്ക് 2.30ന് നടക്കുന്ന-‘അടിയന്തിരാവസ്ഥയിലെ പീഢനപര്വ്വം; അനുഭവങ്ങളുടെ നേര്സാക്ഷ്യം’- അടിയന്തിരാവസ്ഥ പോരാളികള് അനുഭവങ്ങള് പങ്കുവെക്കും. ആര്എസ്എസ് മട്ടന്നൂര് താലൂക്ക് സംഘചാലക് സി.ബാലഗോപാലന് മാസ്റ്റര് മോഡറേറ്ററാവും. വൈകുന്നേരം 4 മണിക്ക് പി.ദാമോദരന് സ്വര്ഗ്ഗീയ എം.വി.രവീന്ദ്രന് കാര അനുസ്മരണ പ്രഭാഷണം നടത്തും. ആര്എസ്എസ് ഇരിട്ടി താലൂക്ക് സംഘചാലക് കെ.എ.ദാമോദരന് മാസ്റ്റര് അധ്യക്ഷത വഹിക്കും.
വൈകുന്നേരം 5.30ന് മട്ടന്നൂര് ശ്രീ മഹാദേവ ക്ഷേത്ര മൈതാനത്ത് നടക്കുന്ന പൊതുസമ്മേളനം സി.സദാനന്ദന് മാസ്റ്റര് ഉദ്ഘാടനം ചെയ്യും. കേസരി വാരിക മുഖ്യ പത്രാധിപര് ഡോ.എന്.ആര്.മധു മുഖ്യപ്രഭാഷണം നടത്തും. അടിയന്തിരാവസ്ഥക്കെതിരെ പൊരുതിയ സമര സേനാനികളെ കെ.കുഞ്ഞികൃഷ്ണമാരാര് ആദരിക്കും.
പ്രതികരിക്കാൻ ഇവിടെ എഴുതുക: