കൊല്ലം: ആണ്ടാമുക്കത്തെ സ്വകാര്യവ്യക്തിയുടെ ചെരിപ്പുകട ഗോഡൗണില് വന് തീപിടിത്തം. ഇന്നലെ രാവിലെ 11നാണ് സംഭവം. ചാമക്കടയില് പ്രവര്ത്തിക്കുന്ന മജസ്റ്റിക് ഫുട്വെയര്സ് എന്ന സ്ഥാപനത്തിന്റെതാണ് ഗോഡൗണ്. ഇന്നലെ ഞായറാഴ്ചയായതിനാല് ജീവനക്കാര് ഉണ്ടായിരുന്നില്ല. സമീപവാസികള് പുക ഉയരുന്നത് കണ്ട് ഫയര്ഫോഴ്സില് വിവരം അറിയിക്കുകയായിരുന്നു. ഗോഡൗണിന് പിന്നില് മാലിന്യങ്ങള്ക്ക് തീയിടുന്നത് സ്ഥിരമാണ്. ഇതിലൂടെയാണ് തീപടര്ന്നതെന്ന് സംശയിക്കുന്നു. ആയിരം ചതുരശ്രഅടിയോളം ശേഖരിച്ചുവച്ച ചെരിപ്പുകള് പൂര്ണമായും കത്തിനശിച്ചു. ഏകദേശം പത്ത് ലക്ഷത്തോളം രൂപയുടെ നാശനഷ്ടമുണ്ടായതായാണ് കരുതുന്നത്. നാല് യൂണിറ്റ് ഫയര്ഫോഴ്സ് എത്തി രണ്ടുമണിക്കൂര് പരിശ്രമിച്ചാണ് തീയണച്ചത്. ഫയര്സ്റ്റേഷന് ഓഫീസര് ഉല്ലാസ്, അസിസ്റ്റന്റ് ഓഫീസര് സാബുലാല്, ലീഡിംഗ് ഫയര്മാന് മുരളീധരന് എന്നിവരുടെ നേതൃത്വത്തിലായിരുന്നു തീയണച്ചത്.
ചെരിപ്പുകട ഗോഡൗണില് തീപിടിത്തം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.