കണ്ണൂര്‍: രാജ്യത്തെ മുന്‍നിര ലൈറ്റിംഗ് സൊല്യൂഷന്‍ കമ്പനിയായ ഫിലിപ്‌സ് ലൈറ്റിംഗ് ഇന്ത്യ കണ്ണൂരിലെ ആദ്യ ലൈറ്റ് ലോഞ്ചുമായി രംഗത്ത്. ഫിലിപ്‌സിന്റെ മൊത്തം ഗാര്‍ഹിക ലൈറ്റിംഗ് ശ്രേണിയിലുള്ള ഫിലിപ്‌സിന്റെ എക്‌സ്‌ക്ലൂസീവ് റീട്ടെയില്‍ സ്റ്റോറാണ് ലൈറ്റ് ലോഞ്ച്. 550 ചതുരശ്രയടി വിസ്താരത്തിലുള്ള ഈ സ്റ്റോര്‍ അവതരിപ്പിക്കുന്നതിലൂടെ ഫിലിപ്‌സ് ലൈറ്റിംഗ് കണ്ണൂരില്‍ വ്യാപാരരംഗത്ത് ആദ്യ ചുവടുവെപ്പ് നടത്തുകയാണ്.
ഉപയോക്താക്കള്‍ അനുദിനം വര്‍ദ്ധിക്കുന്ന ശക്തമായ വിപണിയാണ് കണ്ണൂര്‍ എന്നതിനാല്‍ ഫിലിപ്‌സ് ലൈറ്റിംഗ് ഉല്‍പ്പന്നങ്ങള്‍ക്ക് വളരെയധികം സാധ്യതയുണ്ടെന്ന് ഫിലിപ്‌സ് ലൈറ്റിംഗ് ഇന്ത്യയുടെ സൗത്ത് റീജ്യണല്‍ സെയില്‍സ് മാനേജര്‍ ശ്രീമണ്ണാരെയിന്‍ ഉദ്ഘാടനച്ചടങ്ങില്‍ പറഞ്ഞു. കണ്ണൂര്‍ കാല്‍ടെക്‌സില്‍ മലബാര്‍ ചേംബര്‍ ഓഫ് കൊമേഴ്‌സിന് സമീപം കാന്‍ഡിഡ് ലൈറ്റ്‌സിലാണ് ഫിലിപ്‌സ് ലൈറ്റ് ലോഞ്ച് സ്ഥിതിചെയ്യുന്നത്. ഫിലിപ്‌സിന്റെ ഏറ്റവും പുതിയ ഉല്‍പ്പന്നമായ ഹവിന്റെ മുഴുവന്‍ ശ്രേണിയും ഇവിടെയുണ്ട്.
ഉപയോക്താക്കളുടെ ആവശ്യത്തിന് ഏറ്റവുമിണങ്ങിയ ശരിയായ ലൈറ്റിംഗ് ഡിസൈന്‍ സൊല്യൂഷനുകള്‍ തിരഞ്ഞെടുക്കാനുള്ള വിദഗ്‌ദ്ധോപദേശവും ലഭിക്കും. ഉല്‍പ്പന്ന ശ്രേണിയില്‍ 575 രൂപ മുതല്‍ 65,000 രൂപ വരെയുള്ളവയുണ്ട്. കണ്ണൂരിലെ ഏറ്റവും പുതിയ ഫിലിപ്‌സ് ലൈറ്റ് ലോഞ്ചിലൂടെ, രാജ്യത്തെ ലൈറ്റ് ഷോപ്പുകള്‍ക്ക് പുറമെ, ഇന്ത്യയില്‍ 160-ലധികം ലൈറ്റ് ലോഞ്ചുകള്‍ എന്ന നിലയിലേക്ക് കമ്പനി വളര്‍ന്നിരിക്കുകയാണ്.
