ശാസ്താംകോട്ട: ശാസ്താംകോട്ട മണ്ണെണ്ണമുക്കിലെ പെട്രോള് പമ്പ് സാമൂഹ്യവിരുദ്ധര് അടിച്ചുതകര്ത്തു. രാത്രിയില് പമ്പില് പെട്രോള് ആവശ്യപ്പെട്ടെത്തിയ സാമൂഹ്യവിരുദ്ധരാണ് പമ്പ് ആക്രമിച്ചത്. ആക്രമണത്തില് പമ്പിലെ ജീവനക്കാരന് ഗുരുതരപരിക്കേറ്റു. ശാസ്താംകോട്ട വേങ്ങ വെള്ളാവില് വീട്ടില് വിജയന്പിള്ളക്കാണ് പിരക്കേറ്റത്. ഇദ്ദേഹത്തെ ശാസ്താംകോട്ട പത്മാവതി ഹോസ്പിറ്റലില് പ്രവേശിപ്പിച്ചു. കഴിഞ്ഞദിവസം രാത്രി പമ്പില് പെട്രോള് ആവശ്യപ്പെട്ട് ബൈക്കിലെത്തിയവരാണ് ആക്രമണം അഴിച്ചുവിട്ടത്. ഇവര് പെട്രോള് പമ്പില് എത്തിയപ്പോള് ഇന്ധനം ഇറക്കിക്കൊണ്ടിരുന്നതിനാല് കുറച്ചുകഴിഞ്ഞേ ഇന്ധനം നല്കാന് സാധിക്കുവെന്ന് ജീവനക്കാര് അറിയിച്ചു. ഇതോടെ പമ്പില് നിന്നും പോയ ഇവര് അരമണിക്കൂറിന് ശേഷം വീണ്ടും പമ്പില് എത്തുകയും ഇന്ധനം ആവശ്യപ്പെടുകയും ചെയ്തു. ഈ സമയവും ടാങ്കില് ഇന്ധനം നിറക്കുകയായിരുന്നു. ഇതോടെയായിരുന്നു അക്രമം.
പെട്രോള്പമ്പ് സാമൂഹ്യവിരുദ്ധര് അടിച്ചുതകര്ത്തു
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.