ഇരിട്ടി : കോഴിക്കോട് നിന്നും ഇരിട്ടിയിലേക്ക് മിനി ഗുഡ്സ് വണ്ടിയില് കൊണ്ടുവരികയായിരുന്ന ഗ്യാസ് വഴിമദ്ധ്യേ ചോര്ന്നത് ജനങ്ങളില് പരിഭ്രാന്തി സൃഷ്ടിച്ചു ചൊവ്വാഴ്ച വൈകുന്നേരം 3 മണിയോടെ പുന്നാട് ജുമാമസ്ജിദിന് മുന്നിലായിരുന്നു സംഭവം. ഗ്യാസ് കുറ്റിയില് നിന്നും ശക്തമായി ഗ്യാസ് പുറത്തേക്ക് വരുന്നതിന്റെ ശബ്ദം കേട്ട് വണ്ടി നിര്ത്തി നോക്കിയപ്പോഴായിരുന്നു സംഭവം ശ്രദ്ധയില് പെട്ടത്. ഗ്യാസ് ശക്തമായി പുറത്തേക്ക് ചീറ്റിയതോടെ പുന്നാട് ടൗണിലെ ജനങ്ങളും ജുമാമസ്ജിദില് ഉള്ളവരും പരിഭ്രാന്തരായി. വിവരമറിയിച്ചതിനെ തുടര്ന്ന് ഇരിട്ടി അഗ്നിശമന കേന്ദ്രത്തില് നിന്നും എത്തിയ സ്റ്റേഷന് ഓഫീസര് ജോണ്സണ് പീറ്റരുടെ നേതൃത്വത്തിലുള്ള സംഘം ഇത് അപകടരഹിതമായ ഗ്യാസ് ആണെന്ന് നാട്ടുകാരെ അറിയിച്ചതോടെ ആണ് ജനങ്ങള്ക്ക് ആശ്വാസമായത്. സിലിണ്ടറിലെ ഗ്യാസ് തീരുന്നത് വരെ വെള്ളം ചീറ്റിയ ശേഷമാണ് അഗ്നിശമന രക്ഷാപ്രവര്ത്തകര് പോയത്. വണ്ടിയില് പന്ത്രണ്ടോളം സിലിണ്ടറുകള് ഉണ്ടായിരുന്നു.
വണ്ടിയില് കൊണ്ടുപോവുകയായിരുന്ന ഗ്യാസ് ചോര്ന്നത് പരിഭ്രാന്തി പരത്തി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.