വന്കിട കമ്പനികള് അനധികൃതമായി കൈവശംവച്ചിരിക്കുന്ന ഭൂമി സര്ക്കാര് തിരിച്ചുപിടിക്കുമെന്ന് റവന്യൂമന്ത്രിയുടെ പ്രഖ്യാപനം! 57 മാസം ഭരിച്ചിട്ടുംഇക്കാര്യം പ്രസ്താവിക്കാത്ത മന്ത്രിയിതാ അവശേഷിക്കുന്ന മൂന്നുമാസംകൊണ്ട് ഭൂമി തിരിച്ചുപിടിച്ചുകളയുമെന്നോ? പുതുവര്ഷത്തിലെ ആദ്യത്തെ മന്ത്രിത്തമാശ!
തെരഞ്ഞെടുപ്പ് ഫണ്ടിലേക്ക് ബാര് നടത്തിപ്പുകാരില്നിന്നും ചില്ലിക്കാശുപോലും കിട്ടില്ലെന്ന് ഉറപ്പായതിനാല് വന്കിട കമ്പനികളെ വിരട്ടി ഫണ്ട് സ്വരൂപിക്കാനുള്ള ആസൂത്രിത അടവാണോ ഇതെന്നു സംശയിക്കേണ്ടിയിരിക്കുന്നു. പക്ഷേ വന്കിട കമ്പനികള് അത്ര മണ്ടന്മാരൊന്നുമല്ല. മൂന്നുമാസംകൊണ്ട് മന്ത്രിയല്ല ദേവേന്ദ്രന് വിചാരിച്ചാലും ഒരു സെന്റ്ഭൂമിപോലും തിരിച്ചെടുക്കാനാവില്ല.
സുപ്രീംകോടതി കനിഞ്ഞ് ‘4 സ്റ്റാര്’ ബാറുകളെങ്കിലും തുറന്നുകിട്ടുമെന്ന് പ്രതീക്ഷ അസ്ഥാനത്തായപ്പോഴാണ് ‘ഭൂമിപിടിത്തം’ എന്ന ആശയം പ്രയോഗിച്ചാലോ എന്ന് തോന്നിയത്. അത് ചീറ്റിപ്പോയതുതന്നെ.
മന്ത്രിക്കു വാശിയുണ്ടെങ്കില് രണ്ടാഴ്ച കൂടുമ്പോള് തിരിച്ചുപിടിച്ച ഭൂമിയുടെ കണക്ക് പത്രദ്വാര ജനങ്ങളെ അറിയിക്കട്ടെ.
കെ.വി. സുഗതന്,
ആലപ്പുഴ
