കൊച്ചി: കോര്പ്പറേഷന് 61-ാം ഡിവിഷന് (രവിപുരം) ബിജെപി സ്ഥാനാര്ത്ഥി അച്ചുതന് വെട്ടത്തി (ഉണ്ണി)ന്റെ പ്രചരണാര്ത്ഥം ഡിവിഷനിലെ അഭിഭാഷകര് ഇന്ന് റാലി നടത്തും. അച്ചുതന് വെട്ടത്തിന്റെ രണ്ടാംഘട്ട പ്രചാരണത്തിന്റെ ഭാഗമായാണ് റാലി. തുടര്ദിവസങ്ങളില് മറ്റ് വിവിധ സ്ക്വാഡുകളും പ്രചാരണത്തിനിറങ്ങും.
രണ്ടാംഘട്ട പ്രചാരണം ഊര്ജ്ജിതമായി പുരോഗമിക്കുകയാണ്. ഫിഷറീസ് കോളനി, ഓള്ഡ് തേവര റോഡ്, ശ്രീകണ്ടത്ത് റോഡ്, കരിമ്പറ്റ റോഡ്, കെ.എസ്.എന് മേനോന് റോഡ്, അറ്റ്ലാന്റിസ് എന്നിവിടങ്ങളില് അച്ചുതന് വോട്ടര്മാരെ ചെന്നുകണ്ട് വോട്ടുതേടി.
പാര്ട്ടിപ്രവര്ത്തകര്ക്കും നേതാക്കള്ക്കും പുറമെ ആര്ട്ട് ഓഫ് ലിവിംഗ് പ്രവര്ത്തകരും അച്ചുതന് വെട്ടത്തിനു വേണ്ടി പ്രചാരണ രംഗത്തുണ്ട്. ആര്ട്ട് ഓഫ് ലിവിംഗ് ടീച്ചര് കോഓഡിനേറ്റര് ദേവരാജന്റെ നേതൃത്വത്തിലാണ് ഇവര് വീടുകള് കയറിയിറങ്ങി വോട്ടുതേടുന്നത്. അച്ചുതന് വെട്ടത്തിന്റെ തെരഞ്ഞെടുപ്പ് കമ്മിറ്റി ഓഫീസ് ബിജെപി സംസ്ഥാന ജനറല് സെക്രറി എ.എന് രാധാകൃഷ്ണനും കണ്വെന്ഷന് മുന് കൗണ്സിലര് രമ ടീച്ചറും ഉദ്ഘാടനം ചെയ്തു. ബിജെപി ജില്ലാ പ്രസിഡന്റ് അഡ്വ. പി.ജെ.തോമസ്, എന്എസ്എസ് കരയോഗം യൂണിറ്റ് ജനറല് സെക്രട്ടറി എം.രാമചന്ദ്രന് എന്നിവര് പരിപാടികളില് പങ്കെടുത്തു.
