എരുമേലി: പട്ടിണിപാവങ്ങളായ തൊഴിലാളികളുടെ സമരങ്ങളുടെ മറവില് വളര്ന്ന കമ്മ്യൂണിസ്റ്റ് പാര്ട്ടി മാറിയെന്ന് ഹിന്ദുഐക്യവേദി സംസ്ഥാന ജനറല് സെക്രട്ടറി ഇ.എസ്. ബിജു പറഞ്ഞു. കാലഹരണപ്പെട്ട കമ്മ്യൂണിസവും-കാലാതിവര്ത്തിയായ ഗരുദേവദര്ശനവും എന്ന മുദ്രാവാക്യമുയര്ത്തി കമ്മ്യൂണിസ്റ്റ് പാര്ട്ടിയുടെ ഹിന്ദുവിരുദ്ധ പ്രവര്ത്തനത്തിനെതിരെ എരുമേലിയില് നടത്തിയ പൊതുസമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
കമ്മ്യൂണിസ്റ്റ് പാര്ട്ടിയെ പിടിച്ചുനിര്ത്തി പരമ്പരാഗത തൊഴിലാളികളെ ഉന്മൂലനാശം ചെയ്യാന് ശ്രമിച്ച പാര്ട്ടി-ഹിന്ദുഐക്യംവേണമെന്ന് പറഞ്ഞ വെള്ളാപ്പള്ളിയേയും എസ്എന്ഡിപി യോഗത്തേയും വിശ്വാസികളെയും തകര്ക്കാനുള്ള നീക്കമാണ് ഇപ്പോഴത്തെ പ്രതിസ്ധിക്ക് കാരണം. കമ്മ്യൂണിസ്റ്റ് പുതിയ ശാസ്ത്രം ദേശീയതക്ക് എന്നും എതിരായിരുന്നതുപോലെ പിന്നോക്കക്കാര്ക്കും എതിരായി നില്ക്കുന്ന കാഴ്ചയാണുണ്ടായത്. പാര്ട്ടിയിലെ പട്ടിണിപാവങ്ങളെക്കൊണ്ട് വിളിപ്പിച്ച മുദ്രാവാക്യം ഒരെണ്ണംപോലും നടപ്പാക്കാന് കഴിയാതെ വഞ്ചനയുടെ പാര്ട്ടിയായി അധപതിച്ചപ്പോഴാണ് ഹിന്ദുഐക്യത്തിനെതിരെ തിരിയാന് നേതാക്കളെ പ്രേരിപ്പിച്ചത്.
കേരള നവോത്ഥാനം ഹിന്ദുഐക്യത്തോടെ വേണമെന്ന വെള്ളാപ്പള്ളിയുടെ പ്രഖ്യാപനത്തെ ഹിന്ദുക്കള്ക്കെതിരെയുള്ള കടന്നാക്രമണത്തിനായി കമ്മ്യൂണിസ്റ്റ് പാര്ട്ടി ഉപയോഗിക്കുകയായിരുന്നുവെന്നും സന്യാസീമാരെ ആക്രമിച്ചതും ശിവഗിരിമഠം പിടിച്ചെടുക്കാന് പാര്ട്ടി അണികളെ ഇറക്കിയതും ഇതിന് തെളിവായിരുന്നുവെന്നും ഇ.എസ്. ബിജു പറഞ്ഞു. ഹിന്ദുക്കളോടുള്ള കടന്നാക്രമണവും വഞ്ചനയും കമ്മ്യൂണിസ്റ്റ്പാര്ട്ടിയെ ചവറ്റുകൊട്ടയില് തള്ളാന് വഴിയൊരുക്കിയിരിക്കുകയാണ്. 1980 മുതല് ശ്രീനാരായണഗുരുദേവ പ്രതിമകളെ തകര്ക്കാന് തുടങ്ങിയ പാര്ട്ടി ഗുരുദേവദര്ശനങ്ങളെയും സമുദായ അംഗങ്ങളെയും തകര്ക്കാനും ഇല്ലാതാക്കാനും ശ്രമിക്കുന്നതിന്റെ അവസാന ഉദാഹരണമാണ് കണ്ണൂരില് കണ്ടത്. കമ്മ്യൂണിസ്റ്റ് പാര്ട്ടിയുടെ കേന്ദ്രകമ്മറ്റിയില് ആകെയുള്ള 15 പേരില് 13 പേരും സവര്ണണരാണെന്നുള്ള കാര്യം മറച്ചുപിടിച്ചാണ് പാര്ട്ടി നേതാക്കള് പിന്നോക്കക്കാരനെ പ്രധാന മന്ത്രിയാക്കിയ പാര്ട്ടിയെനോക്കി ആരോപണമുന്നയിക്കുന്നതെന്നും അദ്ദേഹം പറഞ്ഞു.
എരുമേലി ടൗണില് നടന്ന സമാപനസമ്മേളനത്തില് ഹിന്ദുഐക്യവേദി പഞ്ചായത്ത് കമ്മറ്റി പ്രസിഡന്റ് ബിജി കല്യാണി അദ്ധ്യക്ഷത വഹിച്ചു. എസ്എന്ഡിപി എരുമേലി യൂണിയന് സെക്രട്ടറി ശ്രീകുമാര് ശ്രീപാദം, മലവര്ഗ്ഗ മഹാജനസംഘം സംസ്ഥാന പ്രസിഡന്റ് ഇ.കെ. രാഘവന്, കേരള വിശ്വകര്മ്മസഭ സംസ്ഥാന കമ്മറ്റിയംഗം സി.കെ. ഉത്തമന്, ചേരമര് സനാതനധര്മ്മം സംസ്ഥാന കേന്ദ്രകമ്മറ്റിയംഗം ശശി തെങ്ങുംതോട്ടം, ഹിന്ദുഐക്യവേദി താലൂക്ക് ജനറല് സെക്രട്ടറി എസ്. മനോജ്, പഞ്ചായത്ത് കമ്മറ്റി ജനറല് സെക്രട്ടറി ഹരികൃഷ്ണന് എന്നിവര് സംസാരിച്ചു.
എരുമേലി ഗ്രാമപഞ്ചായത്തിലെ രണ്ടു സ്ഥലങ്ങളില്നിന്നായി ആരംഭിച്ച പദയാത്ര കാളകെട്ടിയില് മുക്കന്പ്പെട്ടി എസ്എന്ഡിപി ശാഖാ സെക്രട്ടറി പ്രസാദ് തടത്തേല് ഉദ്ഘാടനം ചെയ്തു. ആലപ്രയില്നിന്നാരംഭിച്ച പദയാത്ര ഹിന്ദുഐക്യവേദി സംസ്ഥാന സെക്രട്ടറഇ ഇ.എസ്. ബിജു ഉദ്ഘാടനം ചെയ്തു. പദയാത്രകളില് വിവിധസ്ഥലങ്ങളില് നല്കിയ സ്വീകരണങ്ങള്ക്ക് ഹൈന്ദവ സംഘടന പ്രതിനിധികളായ ബിജി കല്യാണി, വി.സി. അജി, കെ.ആര്. സോജി, എസ്. മനോജ്, വി.ആര്. രതീഷ്, ശശി, കെ.ജെ. സുരേന്ദ്രന്, പ്രഭാകരന് ചെറുവള്ളി, കെ.പി. സുരേഷ്, രാജീവ് എന്നീവര് സംസാരിച്ചു.
