പൊന്കുന്നം: ചിറക്കടവ് ഗ്രാമപഞ്ചായത്തിലെ പതിനാറാം വാര്ഡില് കുടുംബശ്രീ സംരംഭമായ താലം പൊടിമില് യൂണിറ്റ് സ്വകാര്യ വ്യക്തിക്ക് കൈമാറിയത് നിയമവിരുദ്ധവും വന് അഴിമതിയുമാണെന്ന് ബിജെപി ചിറക്കടവ് പഞ്ചായത്ത് കമ്മറ്റി പത്രസമ്മേളനത്തില് ആരോപിച്ചു.
2005-2010 കാലയളവില് 12 കുടുംബശ്രീ യൂണിറ്റുകള് ചേര്ന്ന് 2,00,000 വീതം എസ്ബിടി ബാങ്കില് നിന്നും ലോണ് എടുത്ത് ആരംഭിച്ച താലം യൂണിറ്റ് എല്ലാ നിയമങ്ങളേയും കാറ്റില് പറത്തി സ്വകാര്യ വ്യക്തിക്ക് കൈമാറിയതിനു പിന്നില് വന് അഴിമതിയുണ്ട്. ഹാസ് ഫുഡ് പ്രോഡക്ട്സ് എന്ന പേരിലുള്ള സ്ഥാപനമാണ് കുടുംബശ്രീ സംരംഭം ഇപ്പോള് നടത്തുന്നത്. ബിജെപിയുടെ വിവരാവകാശ പ്രവര്ത്തകര്ക്ക് കുടുംബശ്രീ മിഷനില് നിന്നും ലഭിച്ചിരിക്കുന്ന രേഖാമൂലമുള്ള മറുപടിയില് പറയുന്നത്. കുടുംബശ്രീ സംരംഭങ്ങള് കൈമാറുവാനോ, വാടകയ്ക്ക് നല്കുവാനോ പാടുള്ളതല്ല. ഹാസ് ഫുഡ് പ്രോഡക്ട്സിന് 2014-15 വര്ഷത്തില് 497-ാം നമ്പരായി ചിറക്കടവ് ഗ്രാമപഞ്ചായത്ത് ലൈസന്സ് നല്കിയിരുന്നു. എന്നാല് ഇങ്ങനെയൊരു സ്ഥാപനം പഞ്ചായത്തില് പ്രവര്ത്തിക്കുന്നതായി അറിവില്ലെന്നാണ് വിവരാവകാശ പ്രവര്ത്തകര്ക്ക് സെക്രട്ടറി നല്കിയ മറുപടി. നിയമവിരുദ്ധമായി കുടുംബശ്രീ സംരംഭം സ്വകാര്യ വ്യക്തിക്ക് കൈമാറിയ എല്ഡിഎഫ് ഭരണ സമിതിയെ രക്ഷിക്കുന്നതിന് സെക്രട്ടറി ബോധപൂര്വ്വം ശ്രമിക്കുകയാരുന്നെന്ന് ബിജെപി നേതാക്കള് പറഞ്ഞു. ലക്ഷങ്ങളുടെ അഴിമതി നടത്തിയ മുട്ടക്കോഴി ഇടപാട് ഭരണസമിതിയും പോലീസും തിരുവനന്തപുരത്തെ സ്വകാര്യ ഏജന്സിയും ചേര്ന്ന് ഒത്തുതീര്പ്പിലാക്കി. വീട്ടമ്മമാരുടെ പേരില് തട്ടിയെടുത്ത പണം പൊന്കുന്നത്തെ ബാങ്കില് തിരിച്ചടച്ച് ഏജന്സിയും ഭരണസമിതിയും തടിതപ്പി.
ചിറക്കടവ് ഗ്രാമപഞ്ചായത്തിലെ കേരളോത്സവ നടത്തിപ്പിലും വന് അഴിമതി നടന്നതായി വിവരാവകാശ രേഖകള് പറയുന്നു. പഞ്ചായത്തിന്റെ ഔദ്യോഗിക രസീതില് ലക്ഷങ്ങളുടെ പണപ്പിരിവ് നടത്തിയിട്ടും, പണം പിരിച്ചതായിട്ട് കണക്കുകള് കാണുന്നില്ലയെന്ന ഗ്രാമപഞ്ചായത്ത് സെക്രട്ടറിയുടെ രേഖാമൂലമുള്ള മറുപടി വ്യക്തമാക്കുന്നത് ലക്ഷങ്ങളുടെ ധൂര്ത്തും അഴിമതിയും നടന്നിട്ടുണ്ടെന്നാണ്. അഴിമതി നിറഞ്ഞ ഭരണത്തെ പുറത്താക്കുവാന് ജനങ്ങള് സഹകരിക്കണമെന്നും ബിജെപി നേതാക്കള് പറഞ്ഞു.
പത്രസമ്മേളനത്തില് കാഞ്ഞിരപ്പള്ളി നിയോജകമണ്ഡലം പ്രസിഡന്റ് കെ.ജി. കണ്ണന്, പഞ്ചായത്ത് കമ്മറ്റി പ്രസിഡന്റ് വിജു മണക്കാട്ട്, പഞ്ചായത്ത് ജനറല് സെക്രട്ടറി എം.ജി. വിനോദ്, ഗോപി പാറാംതോട്, വി.ആര്. രഞ്ജിത്ത്, പി.ആര്. ഗോപന് എന്നിവര് പങ്കെടുത്തു.
