കോഴിക്കോട്: വിദ്യാഭാരതി സൗത്ത് സോണ് കബഡി ചാമ്പ്യന്ഷിപ്പില് 14 വയസ്സില് താഴെയുള്ള പെണ്കുട്ടികളുടെ വിഭാഗത്തില് കേരളം ചാമ്പ്യന്മാരായി.
കേരളത്തിന് വേണ്ടി മലാപ്പറമ്പ് വേദവ്യാസ വിദ്യാലയം ടീമാണ് പങ്കെടുത്തത്.
മത്സരത്തില് വിജയികളായ ടീം കര്ണ്ണാടകയിലെ പുത്തൂരില് നടക്കുന്ന ദേശീയകബഡി ചാമ്പ്യന്ഷിപ്പില് പങ്കെടുക്കാനും യോഗ്യത നേടി.
ചാമ്പ്യന്ഷിപ്പില് വിജയികളായി തിരിച്ചെത്തിയ ടീമംഗങ്ങള്ക്ക് ഇന്നലെ കോഴിക്കോട് റെയില്വേ സ്റ്റേഷനില് സ്വീകരണം നല്കി. ഭാരതീയ വിദ്യാനികേതന് സംസ്ഥാന ജോയിന്റ് സെക്രട്ടറി വി. നന്ദനന് മാസ്റ്റര്, മലാപ്പറമ്പ് വേദവ്യാസ വിദ്യാലയം സമിതി അംഗം പി. ഭാസ്ക്കരന് തുടങ്ങിയവര് സ്വീകരണത്തിന് നേതൃത്വം നല്കി.
എ.ആര്. ആരതി, മീനാ ക്ഷി പ്രവീണ്, അനഘ ഏലിയാസ്, ടി. കൃഷ്ണ ദിനേഷ്, ശ്രേഷ്ഠ ശ്രീരാജ്, ശിവാനി പി. അഭിലാഷ്, ഭവ്യ കൃഷ്ണപ്രസാദ്, ലക്ഷ്മി പ്രിയ, അനുവര്ണ്ണ, ശ്യാമിയ ജി. കുമാര്, നമിത ആനന്ദ്, വി. ഹൃദ്യ എന്നിവരായിരുന്നു ടീമംഗങ്ങള്. അദ്ധ്യാപകരായ പി.എം. സജീവ് രാജ് (കോച്ച്) എ. സുധീഷ്, പി. ജിജി എന്നിവരും സംഘ ത്തെ അനുഗമിച്ചിരുന്നു.
