കൊച്ചി: ഐഡിയയ്ക്ക് കേരളത്തില് ഒരു കോടിയിലധികം ഉപഭോക്താക്കള്. കഴിഞ്ഞ രണ്ടു ദശകങ്ങള് കൊണ്ട് 11,500 സെല് സൈറ്റുകള് അടങ്ങുന്ന ഏറ്റവും വലിയ മൊബൈല് നെറ്റ്വര്ക്ക് സ്ഥാപിച്ചു കഴിഞ്ഞു. 2016 ന്റെ തുടക്കത്തില് കേരളത്തില് 4ജി എല്റ്റി-ഇ സര്വീസുകള്ക്ക് തുടക്കമിടാന് തയ്യാറെടുക്കുകയാണ് ഐഡിയ.
വിപുലമായ നെറ്റ്വര്ക്കിനു പുറമേ, കേരളത്തിലെ ഒരു കോടി ഐഡിയ ഉപഭോക്താക്കള്ക്ക് മികച്ച സേവനം ഉറപ്പ് വരുത്തുന്നതിനായി കേരളത്തിലുടനീളം 766 ഐഡിയ ഡിസ്ട്രിബ്യൂഷന് ഔട്ട്ലെറ്റുകള്ക്ക് പുറമേ 500 ല് അധികം എക്സ്ക്ലൂസീവ് സര്വീസ് സെന്ററുകള് ആരംഭിച്ചിരിക്കുന്നു. സംസ്ഥാനത്തെ ഉള്പ്രദേശങ്ങളില് ഐഡിയയുടെ സേവനം ഉറപ്പ് വരുത്തുവാന് ഐഡിയ പോസ്റ്റാഫീസുകളുമായും കരാറിലേര്പ്പെട്ടിട്ടുണ്ട്.
