കൊച്ചി : അന്തര്ദേശീയ തലത്തില് വിദേശ നാണയ വിനിമയം നടത്തുന്ന മണിഗ്രാം കേരളത്തിലെ ഉപഭോക്താക്കള്ക്കായി ഓണത്തിന് നടത്തിയ നറുക്കെടുപ്പില് കൊണ്ടോട്ടി സ്വദേശിനി ആയിഷ വീരാന്കുട്ടി ബംപര് സമ്മാനമായ ടാറ്റ നാനോ കാറിനു അര്ഹയായി.
മണിഗ്രാം വഴി വിദേശത്ത് നിന്നും പണം സ്വീകരിച്ചവര്ക്കിടയില് നടത്തിയ നറുക്കെടുപ്പില് 5000-ല് പരം പേര്ക്ക് അമ്പതു രൂപയുടെ സൗജന്യ മൊബൈല് റീചാര്ജും, അവരില് നിന്ന് തന്നെ നറുക്കെടുത്ത് ഒമ്പത് വിജയികള്ക്ക് എല് ഇ ഡി ടെലിവിഷന് സെറ്റുകളും കമ്പനി സമ്മാനമായി നല്കി.
എറണാകുളം താജ് ഗേറ്റ് വേ ഹോട്ടലില് നടന്ന ചടങ്ങില് ബംപര് സമ്മാനം കമ്പനി സൗത്ത് ഏഷ്യ റിലേഷന്ഷിപ്പ് ഡയറക്ടര് ശേഷാഗിരി മല്ലയ്യയും മറ്റ് സമ്മാനങ്ങള് സിനിമാതാരം പാര്വതി നായരും വിതരണം ചെയ്തു.
മണിഗ്രാം അവരുടെ ഉപഭോക്താക്കളുടെ താല്പര്യങ്ങള്ക്ക് കൂടുതല് മൂല്യം എപ്പോഴും നല്കുന്നതിനായി പരിശ്രമിച്ചുകൊണ്ടിരിക്കുകയാണെന്നും ഓണത്തിനോടനുബന്ധിച്ചു നടത്തിയ ഈ നറുക്കെടുപ്പ് മണിഗ്രാം ഉപഭോക്താക്കള്ക്ക് വളരെ അധികം ഉപകാരപ്രദം ആയിരുന്നെന്നും കരുതുന്നതായി ശേഷാഗിരി മല്ലയ്യ ഇതോടനുബന്ധിച്ചു നടത്തിയ പത്ര സമ്മേളനത്തില് പറഞ്ഞു.
