മുണ്ടക്കയം: കേരളത്തെ കാലങ്ങളായി ഭരിക്കുന്ന ഇരുമുന്നണികളും പുഞ്ചവയലിലെ പതിനയ്യായിരത്തോളം വനവാസി മേഖലയിലെ ജനങ്ങളെപട്ടയത്തിന്റെ പേരില് വഞ്ചിക്കുകയാണെന്ന് ബിജെപി സംസ്ഥാന വൈസ് പ്രസിഡന്റ് എം.ടി രമേശ.് പുഞ്ചവയലില് നടന്ന ദേശ രക്ഷാസംഗമവും സാമൂഹിക രക്ഷാബന്ധന് പരിപാടി ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. സിപിഎം ആശയപാപ്പരത്തമാണ് നേരിടുന്നത്. ഇതിന് തെളിവാണ് അവര് ഇപ്പോള് ശ്രീകൃഷ്ണജയന്തിയും ഗണേശോത്സവവും ആഘോഷിക്കുന്നത്. അവര് നടത്തുന്ന ഇത്തരം ആഘോഷ പരിപാടികളില് പങ്കെടുക്കുന്നവര് നാളെ സംഘപരിവാര് പ്രസ്ഥാനങ്ങളില്തന്നെ എത്തിച്ചേരുമെന്നും അദ്ദേഹം പറഞ്ഞു.
അധികാരം നഷ്ടമായതിന്റെ വിഭ്രാന്തിയിലാണ് കോണ്ഗ്രസ്, ഇത് കണ്ടില്ലെന്ന് നടിക്കുകയാണ് പ്രതിപക്ഷ പാര്ട്ടികള്. വരുന്ന തദ്ദേശ സ്വയംഭരണ തെരഞ്ഞെടുപ്പില് ബിജെപി കേരളത്തില് ഉജ്വല മുന്നേറ്റമുണ്ടാക്കുമെന്നും എം.ടി രമേശ് പറഞ്ഞു.
ബിജെപി മുണ്ടക്കയം പഞ്ചായത്ത് കമ്മിറ്റി പ്രസിഡന്റ് കെ.ബി.മധു അദ്ധ്യക്ഷതവഹിച്ചു. ജില്ലാ ജനറല് സെക്രട്ടറി കെ.എം.സന്തോഷ് കുമാര്, നിയോജകമണ്ഡലം പ്രസിഡന്റ് വി.ബി.അജികുമാര്, രമേശ് കാവിമറ്റം, ആര്.സി.നായര്, അഡ്വ.കെ.പി.സനല്, ഒ.സി.യേശുദേസ്, ടിലു തോമസ്, സജി പുലിതുക്കില്, കെ.എം.പുരുഷോത്തമന്, കെ.കെ.ശേഖരന് തുടങ്ങിയവര് പ്രസംഗിച്ചു.
