നാട്ടാശ്ശേരി: തീവ്രവാദത്തിന് ആസൂത്രണം ചെയ്ത ഭീകരര്‍ക്ക് സ്തുതി പാടുന്ന കപട രാഷ്‌ട്രീയ നേതാക്കന്മാരുടെ നിലപട് രാജ്യത്തിന് ആപത്താണെന്ന് ബിജെപി ജില്ലാ പ്രസിഡന്റ് ഏറ്റുമാനൂര്‍ രാധാകൃഷ്ണന്‍. സ്വാതന്ത്ര സമരസേനാനിയും വൈക്കം സത്യഗ്രഹസമര പോരാളിയുമായിരുന്ന എം.ആര്‍.ജി. പണിക്കരുടെ സ്മൃതിയിടത്തില്‍ നടത്തിയ സ്വാതന്ത്ര ദിനാഘോഷ പരിപാടിയില്‍ സംസാരിക്കുകയായിരുന്നു അദ്ദേഹം.
രമേശ് കല്ലിയില്‍ അദ്ധ്യക്ഷത വഹിച്ചു.
ബിജെപി സംസ്ഥാന സമിതിയംഗം പി.കെ. രവീന്ദ്രന്‍, സി.എന്‍. സുഭാഷ്, അനില്‍ തോട്ടുപുറം, പി.കെ. ഹരികുമാര്‍, ടി.ആര്‍. സുഗുണന്‍, വിജയലക്ഷ്മി നാരായണന്‍, രാജേഷ് ചെറിയമഠം, നാസ്സര്‍ റാവൂത്തര്‍, എം.പി. രമേശന്‍, രണരാജ്, രാജേഷ്, രഘുനാഥ് തുടങ്ങിയവര്‍ പ്രസംഗിച്ചു. ചടങ്ങില്‍ വിമുക്തഭടന്മാരെയും വിരമിച്ച പോലീസംഗങ്ങളേയും ആദരിച്ചു.
