വാഷിംഗ്ടണ്: അനധികൃതമായി യുഎസില് എത്തിയ 68 ഇന്ത്യക്കാര് അറസ്റ്റില്. വിവിധ അതിര്ത്തി പ്രദേശങ്ങളിലൂടെ യു.എസ്സിലേക്ക് കുടിയേറാന് ശ്രമിച്ചവരാണ് പിടിയിലായിരിക്കുന്നത്.
ഇവരെ വാഷിംഗ്ടണ് സിറ്റിയിലെ തടങ്കല് കേന്ദ്രത്തില് താമസിപ്പിച്ചിരിക്കുന്നതായി യു.എസ്. എമിഗ്രേഷന് ആന്റ് കസ്റ്റംസ് എന്ഫോഴ്സ്മെന്റ് വിഭാഗം അറിയിച്ചു.
പിടിയിലായവരില് അധികം പേരും പഞ്ചാബില് നിന്നുള്ളവരാണെന്ന് നോര്ത്ത് അമേരിക്കന് പഞ്ചാബി അസോസിയേഷന് ഡയറക്ടര് സാത്നം സിങ് ചഹാല് വ്യക്തമാക്കി.കഴിഞ്ഞ മാസമാണ് ഇവര് പിടിയിലായത്. മാസങ്ങള് നീളുന്ന വിചാരണയ്ക്ക് ശേഷമേ ഇനി ഇവര്ക്ക് മോചിതരാകാന് കഴിയൂവെന്നാണ് വിവരം.
