പാലാ: ചക്കയുടെ സംഭരണവും സംസ്കരിച്ച ചക്കയുടെ വിപണന ഉദ്ഘാടനവും ഇന്ന് രാവിലെ 11ന് മന്ത്രി കെ.എം. മാണി നിര്വ്വഹിക്കും. കോ ഓപ്പറേറ്റീവ് സൊസൈറ്റി ഓഡിറ്റോറിയത്തില് നടക്കുന്ന സമ്മേളനത്തില് അഗ്കോസ് ചെയര്മാന് റോണി മാത്യു തകടിയേല് അദ്ധ്യക്ഷത വഹിക്കും.
ജെയിംസ് ജോസഫ് പ്രഭാഷണം നടത്തും. പോള് ജോസഫ് ഐഎഎസ്, നഗരസഭാദ്ധ്യക്ഷന് കുര്യാക്കോസ് പടവന്, മുന് എംപി വക്കച്ചന് മറ്റത്തില്, കെ.ആര്. അരവിന്ദാക്ഷന്, ഔസേപ്പച്ചന് തകിടിയേല് എന്നിവര് ആശംസയര്പ്പിക്കും. മള്ട്ടി സ്റ്റേറ്റ് അഗ്രിക്കള്ച്ചറല് പ്രൊഡ്യൂസേഴ്സ് പ്രൊസസിംഗ് ആന്ഡ് മാര്ക്കറ്റിംഗ് കോ-ഓപ്പറേറ്റീവ് സൊസൈറ്റി ആണ് പരിപാടി സംഘടിപ്പിക്കുന്നത്. പത്രസമ്മേളനത്തില് സൊസൈറ്റി ഭാരവാഹികളായ റോണി മാത്യു, ജോസ് സി. വേരനാഹി, സുബാഷ്, ജോര്ജ്ജ് ജോസഫ്, വി.വി. തോമസ്, സെബാസ്റ്റ്യന് മാത്യു എന്നിവര് പങ്കെടുത്തു.
