ആലപ്പുഴ: അമ്പലപ്പുഴ താലൂക്കിലെ പഴവീട് വില്ലേജിലെ റീസര്‍വേ/ടൗണ്‍ ബ്ലോക്ക് നമ്പര്‍ ഒന്നു മുതല്‍ 110 വരെയുള്ള ഭൂഉടമകളുടെ ഭൂമിയുടെ അതിര്‍ത്തി തിട്ടപ്പെടുത്തി പേര്, വിസ്തീര്‍ണം എന്നിവ തീരുമാനിച്ച റീസര്‍വേ റിക്കാര്‍ഡുകള്‍ തയാറായി. ഭൂഉടമകള്‍ക്ക് സര്‍വേ ഉദ്യോഗസ്ഥന്റെ സഹായത്തോടെ വില്ലേജ് ഓഫീസില്‍ പ്രവൃത്തിദിവസങ്ങളില്‍ ഇവ പരിശോധിക്കാം. പരിശോധനയ്‌ക്കെത്തുമ്പോള്‍ ഉടമകള്‍ ഭൂമിയുടെ അവകാശം സംബന്ധിച്ച രേഖകള്‍ കൈയില്‍ കരുതണം.
ഇതു പ്രസിദ്ധീകരിച്ച് 30 ദിവസത്തിനുള്ളില്‍ ചെങ്ങന്നൂര്‍ റീസര്‍വേ അസിസ്റ്റന്റ് ഡയറക്ടര്‍ക്ക് നിശ്ചിത മാതൃകയിലുള്ള ഫോമില്‍ അപ്പീല്‍ സമര്‍പ്പിക്കാം. നിശ്ചിത ദിവസത്തിനകം അപ്പീല്‍ സമര്‍പ്പിക്കാത്തപക്ഷം നിലവില്‍ തയാറാക്കിയ റിക്കാര്‍ഡുകളിലെ വിവരങ്ങള്‍ അന്തിമമായി പരിഗണിച്ച് അന്തിമ നോട്ടിഫിക്കേഷന്‍ പരസ്യപ്പെടുത്തും. സര്‍വേ സമയത്ത് തര്‍ക്കമുന്നയിച്ച് തീരുമാനമെടുത്ത് സര്‍വേ അതിരടയാള നിയമപ്രകാരം അറിയിച്ചിട്ടുള്ള ഭൂഉടമകള്‍ക്ക് അറിയിപ്പ് ബാധകമല്ല. വിശദവിവരത്തിന് ഫോണ്‍: 0479 2451554.
