വെള്ളൂര്: ഹിന്ദുമഹാസമ്മേളനം ഇന്ന് രാവിലെ 10ന് ആരംഭിക്കും. വെള്ളൂര് ശ്രീവാമനസ്വാമി ക്ഷേത്രാങ്കണത്തില് നടക്കുന്ന സമ്മേളനം പെരുവ ഗീതാശ്രമം മഠാധിപതി സ്വാമി വേദാനന്ദസരസ്വതി ഉദ്ഘാടനം ചെയ്യും. സ്വാഗതസംഘം ചെയര്മാന് എന്.കെ. മുരളീധരന് അദ്ധ്യക്ഷതവഹിക്കും. അമൃതഭാരതി സംസ്ഥാന വൈസ് പ്രസിഡന്റ് കെ. രാധാകൃഷ്ണന് ആമുഖ പ്രസംഗം നടത്തും. മാര്ഗ്ഗ ദര്ശക മണ്ഡലം സംസ്ഥാന ജനറല് സെക്രട്ടറി സത്സ്വരൂപാനന്ദ മഹാരാജ് ഹൈന്ദവ സമൂഹം നേരിടുന്ന ചൂഷണവും വെല്ലുവിളികളും എന്ന വിഷയത്തില് പ്രഭാഷണം നടത്തും. ഉച്ചക്ക് 2ന് നടക്കുന്ന ഹിന്ദു നേതൃത്വസഭയില് വെള്ളൂര് ഗ്രാമപഞ്ചായത്ത് മുന് പ്രസിഡന്റ് പി.പി. കണ്ണന് അദ്ധ്യക്ഷത വഹിക്കും. താന്ത്രികാചാര്യന് മനയത്താറ്റില്ലത്ത് ചന്ദ്രശേഖരന് നമ്പൂതിരി ഉദ്ഘാടനം ചെയ്യും. ശ്രീലക്ഷ്മിഭായി ധര്മ്മപ്രകാശന് ചീഫ് എക്സിക്യൂട്ടീവ് ഓഫീസര് എം. മോഹനന് പ്രഭാഷണം നടത്തും.
വിവിധ സാമുദായിക സംഘടനാ നേതാക്കള് പങ്കെടുക്കും. സമാപനസഭ വൈകിട്ട് 4ന് ആരംഭിക്കും. അഖില ഭാരത അയ്യപ്പസേവാസംഘം യൂണീറ്റ് സെക്രട്ടറി എ.ജി. രമണന് അദ്ധ്യക്ഷത വഹിക്കുന്ന യോഗം എച്ച്എന്എല് മാനേജിംഗ് ഡയറക്ടര് കെ.കെ. സുരേഷ്കുമാര് ഉദ്ഘാടനം ചെയ്യും. പ്രമുഖ ഹിന്ദു തത്വചിന്തകനായ ഡോ. എം.എം. ബഷീര് സനാതനധര്മ്മത്തിന്റെ കാലിക പ്രസക്തി എന്ന വിഷയത്തില് പ്രഭാഷണം നടത്തും. ക്ഷേത്ര ഭരണസമിതി പ്രസിഡന്റ് എം.പി. ഗോപകുമാര് ആശംസഅര്പ്പിക്കും. സമ്മേളനത്തിന് സ്വാഗതസംഘം ജനറല് കണ്വീനര് വി.എന്. ചന്ദ്രശേഖരന്, വി.ഡി. ദിലീപ്കുമാര് ഇറുമ്പയം, പി.കെ. ഉണ്ണികൃഷ്ണന്, കെ.കെ. സനല്കുമാര്, പി.ഡി. സുനില്ബാബു, ഗോപാലകൃഷ്ണന്, കെ.കെ. മധുസൂദനന് നായര്, ഇ.പി. സജുകുമാര്, പി.എം. ചന്ദ്രശേഖരന്, റ്റി.കെ. സുനില്കുമാര് തുടങ്ങിയവര് നേതൃത്വം നല്കും.
