വൈക്കം: വൈക്കം സത്യാഗ്രഹ നവതി ആഘോഷങ്ങളുടെ ഭാഗമായി ഹിന്ദു ഐക്യവേദിയുടെ ആഭിമുഖ്യത്തില് മഹാദേവ ക്ഷേത്ര ആഡിറ്റോറിയത്തില് നാളെ നടത്തുന്ന നവതി ആഘോഷത്തിന്റെ മൂന്നോടിയയായുള്ള ദീപശിഖ പ്രയാണയാത്ര സത്യാഗ്രഹ സമരസേനാനിയായിരുന്ന ആമചാടി തേവരുടെ സ്മൃതി മണ്ഡപത്തില് നിന്ന് തുടങ്ങി. ഇന്നലെ രാവിലെ നടന്ന ചടങ്ങില് ആമചാടി തേവരുടെ മകന് പ്രഭാകരനില് നിന്ന് ദീപ ശിഖ ആര്എസ്എസ് വിഭാഗ് സഹസംഘചാലക് എം.ജി സോമനാഥ്, ആര്എസ്എസ് താലൂക്ക് സേവാപ്രമുഖ് എം.ആര് കൃഷ്ണകുമാര് എന്നിവര് ഏറ്റുവാങ്ങി തുടര്ന്ന് ദീപശിഖയുമായി നിരവധി യുവാക്കള് കൂട്ട ഓട്ടതോടെ പൂത്തോട്ട. ചെമ്പ്, ഉദയനാപുരം, വലിയകവല വഴി ബോട്ട് ജെട്ടിക്ക് സമീപമുള്ള സത്യാഗ്രഹ നവതി ആഘോഷ സ്വഗതസംഘം ഓഫീസില് സമാപിച്ചു. തുടര്ന്ന് നടന്ന സമാപന സമ്മേളനം സ്വാഗത സംഘം ചെയര്മാനും, കെപിഎഎസ് സംസ്ഥാന പ്രസിഡന്റുമായ നീലകണ്ഠന് മാസ്റ്റര് ഉദ്ഘാടനം ചെയ്തു. വൈക്കം സത്യാഗ്ര സമരം നല്കുന്ന സന്ദേശം ഹൈന്ദവ എകീകരണ മാണെന്നും ദേശിയ തലത്തില് ശ്രദ്ധനേടിയ സത്യാഗ്രഹത്തിന്റെ വിജയ ഫലമാണ് ക്ഷേത്ര പ്രവേശന വിളമ്പരത്തിന് കാരണമായെന്നും അദ്ദേഹം പറഞ്ഞു. ചടങ്ങില് വി.ശിവദാസ്, എം.വി.സനല്, കെ.ഡി.സന്തോഷ്, തുടങ്ങിയവര് പ്രസംഗിച്ചു.
സത്യാഗ്രഹ നവതി: ദീപശിഖ പ്രയാണമെത്തി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.